పోలీసుల చెంత తప్పిపోయిన బాలుడు

పటాన్‌చెరు టౌన్‌: తప్పిపోయి ఒంటరిగా తిరుగుతున్న బాలుడిని స్థానికులు పోలీసులకు అప్పగించారు. ఈ సంఘటన పటాన్‌చెరు పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం... ఇంద్రేశం మున్సిపల్‌ పరిధిలోని రామేశ్వరంబండ నవ్య వెంచర్‌ సమీపంలో ఐదు నుంచి ఆరు సంవత్సరాల వయసు గల బాలుడు ఒంటరిగా తిరుగుతుండటంతో అక్కడ వాచ్‌మెన్‌గా పనిచేస్తున్న శ్రీనివాస్‌ పోలీసులకు సమాచారం ఇచ్చాడు. పోలీసులు వెళ్లి బాలుడిని స్టేషన్‌కు తీసుకువచ్చారు. కాగా బాలుడికి సంబంధించిన తల్లిదండ్రులు లేదా కుటుంబ సభ్యులు ఉంటే పటాన్‌చెరు పోలీసులను సంప్రదించాలని సూచించారు.

గుర్తుపడితే సమాచారం ఇవ్వండి