ఓటుకు గుర్తింపు కార్డు తప్పనిసరి

ఓటుకు గుర్తింపు కార్డు తప్పనిసరి

కరీంనగర్‌: గ్రామ పంచాయతీ ఎన్నికల పోలింగ్‌ రోజున ఓటర్లు పోలింగ్‌ కేంద్రానికి ఓటరు స్లిప్‌తోపాటు గుర్తింపు కార్డును వెంట తీసుకెళ్లాలని ఎన్నికల అధికారులు స్పష్టం చేశారు. ఎన్నికల సంఘం సూచించిన 18 రకాల కార్డుల్లో ఏదైనా ఒకదాన్ని చూపించి ఓటు హక్కును వినియోగించుకోవాలని సూచించారు.

గుర్తింపు కార్డులివే..

● ఆధార్‌ కార్డు, పీహెచ్‌సీ ఫొటో గుర్తింపు కార్డు, డ్రైవింగ్‌ లైసెన్స్‌.

● కేంద్ర, రాష్ట్ర ప్రభుత్వాలు, ప్రభుత్వ రంగ సంస్థలు ఉద్యోగులకు జారీ చేసిన ఐడెంటిటీ కార్డులు.

● బ్యాంకులు, కోఆపరేటివ్‌ సంస్థలు ఉద్యోగులకిచ్చే గుర్తింపు కార్డులు.

● ప్రభుత్వమిచ్చే హెల్త్‌ కార్డు, జాతీయ జనాభా నమోదు(ఎన్పీఆర్‌) కార్డు.

● ఉపాధిహామీ పథకం జాబ్‌ కార్డు.

● కార్మిక శాఖ జారీ చేసిన ఫొటోతో కూడిన ఆరోగ్య బీమా పథకం కార్డు.

● మాజీ సైనికులు, వితంతువుల పింఛన్‌ పుస్తకం, వృద్ధుల పింఛన్‌ పత్రం.

● ఫొటోతో కూడిన రేషను కార్డు, ఫొటోతో కూడిన కుల ధ్రువీకరణ పత్రం.

● స్వాతంత్య్ర సమరయోధుల గుర్తింపు కార్డు.

● ఫొటోతో కూడిన ఆయుధ లైసెన్సు.

● దివ్యాంగుల ధ్రువపత్రం.

● ఫొటోతో కూడిన పట్టాదారు పాసు పుస్తకం.