ఘనంగా ప్రారంభమైన క్రెడాయి ప్రాపర్టీ షో

● మేయర్‌ కోవెలమూడి రవీంద్ర మాట్లాడుతూ క్రెడాయి ప్రతి సంవత్సరం ప్రాపర్టీషో విజయవంతంగా నిర్వహించడం అభినందనీయమన్నారు. వివిధ రంగాలకు చెందిన అన్ని కంపెనీల ఉత్పత్తులు ఒకేచోట లభించడం శుభ పరిణామమన్నారు. ● ఎమ్మెల్యే గల్లా మాధవి మాట్లాడుతూ క్రెడాయి ప్రాపర్టీషో ఇంత భారీ స్థాయిలో నిర్వహించడం సంతోషకరమన్నారు. గుంటూరు పరిసర ప్రాంతాల అభివృద్ధికి బిల్డర్స్‌ పాత్ర కీలకమన్నారు. ● క్రెడాయి మాజీ ఏపీ చైర్మన్‌ ఆళ్ల శివారెడ్డి మాట్లాడుతూ క్రెడాయి 8వ ప్రాపర్టీ షో వినియోగదారులకు అనువుగా నిర్వహించడం జరుగుతోందన్నారు. బ్యాంకులు ఒకేచోట రుణ సౌకర్యం కల్పించడం శుభ పరిణామమన్నారు. ఈ ప్రాపర్టీ షో మూడు రోజుల పాటు ఉదయం 10 నుంచి రాత్రి 9 గంటలకు వరకు జరుగుతుందన్నారు. ● క్రెడాయి ప్రెసిడెంట్‌ మామిడి రాము మాట్లాడుతూ ప్రతిరోజూ 10 బంపర్‌ లక్కీ డ్రాలు తీయనున్నామన్నా రు. శుక్రవారం జరిగిన లక్కీడ్రాను గుంటూరు నగర కమిషనర్‌ పులి శ్రీనివాసులు తీశారని వెల్లడించారు. విజేతలకు బహుమతులు అందించనున్నట్లు చెప్పారు.