ప్రభుత్వ పథకాలను అందిపుచ్చుకోవాలి

ప్రభుత్వ పథకాలను అందిపుచ్చుకోవాలి బాపట్ల కేంద్ర, రాష్ట్ర ప్రభుత్వ సంక్షేమ పథకాలను అందిపుచ్చుకొని లబ్ధిదారులు అభివృద్ధి చెందాలని జిల్లా కలెక్టర్‌ డాక్టర్‌ వినోద్‌కుమార్‌ అన్నారు. స్థానిక కలెక్టరేట్‌ ఆవరణలో ప్రధానమంత్రి ఎంప్లాయిమెంట్‌ గ్యారెంటీ ప్రోగ్రాం (పీఎంఈజీపీ) పథకం కింద చెరుకుపల్లి మండలం గూడవల్లి గ్రామ సంఘం, ఆదర్శ మహిళ స్వయం సహాయక సంఘ గ్రూప్‌ సభ్యురాలు తురిమెళ్ల కరుణకుమారికి కియా కారును జిల్లా కలెక్టర్‌ డాక్టర్‌ వి వినోద్‌కుమార్‌ శుక్రవారం అందజేశారు. పీఎంఈజీపీ కింద లబ్ధిదారులు కోరిన విధంగా వారి జీవనోపాధి కోసం కియా కారును అందజేయమైనదని, యూనిట్‌ విలువ రూ.13 లక్షల 93 వేలు కాగా అందులో బ్యాంకు లోను రూ.13 లక్షల 11 వేలు, లబ్ధిదారుని వాటా కింద రూ.82 వేలు అని తెలిపారు. ఈ పథకం కింద 35 శాతం సబ్సిడీ వర్తిస్తుందని కలెక్టర్‌ తెలిపారు. కార్యక్రమంలో డీఆర్‌డీఏ పీడీ లవన్న పాల్గొన్నారు.