TV
క్రికెట్‌ బెట్టింగ్‌ కేసులో మరో ఇద్దరు అరెస్ట్‌
విశాఖ సిటీ: క్రికెట్‌ బెట్టింగ్‌ కేసులో మరో ఇద్దరు నిందితులను పోలీసులు గురువారం అరెస్టు చేసి రిమాండ్‌కు పంపించారు. పోలీసులు తెలిపిన వివరాల ప్రకారం.. భారీగా లాభాలు వస్తాయని చెప్పి ఆన్‌లైన్‌, ఆఫ్‌లైన్‌ ద్వారా క్రికెట్‌ బెట్టింగ్‌ నిర్వహిస్తున్న వారిపై సైబర్‌ క్రైమ్‌ పోలీసులు నిఘా పెట్టారు. బుధవారం నలుగురు బెట్టింగ్‌ నిర్వాహకులను అరెస్టు చేసిన విషయం తెలిసిందే. తాజాగా ఎక్స్చేంజ్‌ 666 అనే అక్రమ ఆన్‌లైన్‌ బెట్టింగ్‌ యాప్‌ ద్వారా క్రికెట్‌ బెట్టింగ్‌ కార్యకలాపాలు నిర్వహిస్తున్న మరో ఇద్దరిని పోలీసులు గుర్తించారు. ఆ వెబ్‌సైట్‌లో డబ్బు పెడితే అధిక లాభాలు వస్తాయని అమాయకులకు ఆశచూపిస్తూ బెట్టింగ్‌ రొంపిలోకి దించుతున్నట్లు గుర్తించారు. బెట్టింగ్‌ ఆడడంతో పాటు ఇతరులకు వారి సొంత ఐడీలు ఇస్తూ దాని ద్వారా అనేక మందిని బెట్టింగ్‌లో పాల్గొనేలా చేస్తున్న అనకాపల్లి జిల్లా అచ్యుతాపురానికి చెందిన మాసారపు దక్షిణామూర్తి(35), చుక్కా రఘురామ్‌(26)లను అరెస్టు చేశారు. వారిని కోర్టులో ప్రవేశపెట్టగా న్యాయమూర్తి రిమాండ్‌ విధించారు. పోలీసులు వీరి ద్వారా బెట్టింగ్‌ నిర్వహిస్తున్న బుకీల సమాచారాన్ని తెలుసుకున్నారు. వారిపై నిఘా పెట్టారు.
దక్షిణామూర్తి
రఘురామ్‌
క్రికెట్‌ బెట్టింగ్‌ కేసులో మరో ఇద్దరు అరెస్ట్‌
