● మారిన దరఖాస్తు విధానం ● యూఐడీఏఐ మార్గదర్శకాలు జారీ

జెండర్‌ తప్పుగా నమోదైతే ఒకేసారి ఛాన్స్‌..

ఆధార్‌ కార్డులో జెండర్‌ (లింగం) తప్పుగా నమోదైతే ఒక్కసారి మాత్రమే మార్చుకునే వీలుంది. ఇందుకు తప్పనిసరిగా అర్హతగల గుర్తింపు పత్రాన్ని జత చేయాలి. మరోసారి తప్పును సవరించాలంటే ప్రధాన కార్యాలయానికి వెళ్లాల్సిందే.

ఆధార్‌ కార్డు కోసం మీసేవ కేంద్రానికి వచ్చిన ప్రజలు (ఫైల్‌)

ఆధార్‌ కార్డు

నేరడిగొండ: కేంద్ర, రాష్ట్ర ప్రభుత్వాలు ప్రతీ మనిషికి ఆధార్‌ కార్డు ఉండాలని నిబంధన పెట్టాయి. ఆధార్‌ కార్డు ఉంటేనే లబ్ధిదారులకు సంక్షేమ పథకాల మంజూరు, భూముల రిజిస్ట్రేషన్‌, బ్యాంక్‌ పాస్‌బుక్‌, ఉపాధిహామీ పనులు చేయాలన్నా ఆధార్‌కార్డు తప్పనిసరి. భూములు అమ్మాలన్నా, కొనాలన్నా ఆధార్‌కార్డు ఉండాల్సిందే. విద్యార్థులపై చదువులకు సంబంధించి కుల ధ్రువీకరణ పత్రానికి, స్కాలర్‌షిప్‌లకు, రైతులు పండించిన వివిధ రకాల పంటలను అమ్ముకునేందుకు ఆధార్‌కార్డు తప్పనిసరిగా మారింది. అలాగే బ్యాంకులో రుణాల మంజూరుకు ఆధార్‌ అనుసంధానం చేస్తుంది. ఆధార్‌ కార్డులో సవరణలతో జరుగుతున్న మోసాలను అరికట్టేందుకు ప్రభుత్వం చర్యలు చేపట్టింది. గతంలో వీటిలో సవరణలను సులభంగా చేసుకునే వీలుండేది. మోసాలను అరికట్టడంలో భాగంగా ఇప్పుడు వాటికి కావాల్సిన ధ్రువపత్రాలు, వయస్సును బట్టి కేటగిరీల వారీగా సమర్పించే పత్రాల్లో మార్పులు చేస్తూ ఇటీవల యూఐడీఏఐ నిర్ణయం తీసుకుంది. సరవణల్లో సరికొత్త మార్పులు చేస్తూ దరఖాస్తు విధానాన్ని మార్చింది.

పేరులో మార్పులు చేయాలంటే..

పేరులో మార్పుచేర్పులు చేయాలంటే తప్పనిసరిగా ఫొటో ఉన్న ధ్రువ పత్రం సమర్పించాలి. పదో తరగతి మెమో, పాన్‌ కార్డు, ఓటరు గుర్తింపు కార్డు, డ్రైవింగ్‌ లైసెన్స్‌, పాస్‌పోర్ట్‌, ఉపాధి హామీ జాబ్‌కార్డు, సదరం సర్టిఫికెట్‌లలో ఏదో ఒకటి జతపర్చాలి. ఉద్యోగులు వారి గుర్తింపు కార్డు, వివాహితులైతే వివాహ ధ్రువ పత్రం, తహశీల్దార్‌చే జారీ చేసే కుల ధ్రువీకరణ పత్రాలను సమర్పించవచ్చు.

మూడు కేటగిరీలుగా విభజన..

ఆధార్‌ కార్డులో సవరణలు చేసుకునే వారిని వయస్సును బట్టి మూడు కేటగిరీలుగా విభజించారు. గతంలో ఈ విభజన ఉండేది కాదు. రెండు రకాల దరఖాస్తు పత్రాలు ఉండేవి. తాజాగా ఐదేళ్ల లోపు చిన్నారులను మొదటి, 5 నుంచి 18 ఏళ్ల లోపు వారిని రెండో కేటగిరిగా, 18 ఏళ్లు పైబడిన వారిని మూడో కేటగిరీగా చేశారు. వీరికి మూడు రకాల దరఖాస్తు పత్రాలను పెట్టారు.

బర్త్‌డే డేట్‌ మార్పు కోసం..

గతంలో పుట్టిన తేదీని మార్చుకునేందుకు నమూనా పత్రాన్ని భర్తీ చేసి గెజిటెడ్‌ అధికారితో సంతకం చేయిస్తే సరిపోయేది. పాన్‌ కార్డులో ఉన్న పుట్టిన తేదీని అధికారికంగా ధ్రువీకరించుకునే వీలు ఉండే ది. చిన్నారులకై తే తప్పనిసరిగా మున్సిపల్‌ లేదా గ్రా మపంచాయతీ నుంచి జారీ చేసిన బర్త్‌డే సర్టిఫికెట్‌ సమర్పించాలి. ఇది కూడా ఒక్కసారి మా త్రమే సవరించుకోవచ్చు. రెండోసారి మార్పు చేసుకోవాలంటే ఢిల్లీలోని కార్యాలయానికి వెళ్లి తగిన వివరణ ఇస్తూ ధ్రువపత్రాలను సమర్పించాల్సి ఉంటుంది.

పదేళ్లకోసారి అడ్రస్‌ అప్‌డేట్‌...

ఆధార్‌ కార్డును పదేళ్లకోసారి అప్‌డేట్‌ చేసుకోవాల్సి ఉంటుంది. అడ్రస్‌, స్థానికతను నిర్ధారించుకుంటూ నమోదు చేసుకోవాలి. అందుకు కావాల్సిన చిరునామా ధ్రువీకరణను జత చేయాలి. ఇంతకుముందు గెజిటెడ్‌ అధికారి సంతకంతో పేరు, తండ్రిపేరు, చిరునామా, పుట్టిన తేదీ మార్పు చేసుకునే అవకాశం ఉండేది. ప్రస్తుతం మున్సిపల్‌ కమిషనర్‌, తహసీల్దార్‌ జారీచేసే గుర్తింపు పత్రాన్ని చూపాలి. ఓటరు గుర్తింపు కార్డు, పాస్‌పోర్ట్‌, బ్యాంక్‌ పాస్‌బుక్‌, రేషన్‌ కార్డులో సరైన చిరునామా ఉంటే వాటితో సరిచేసుకోవచ్చు. నీటి పన్ను, విద్యుత్‌, టెలిఫోన్‌ బిల్లు, గ్యాస్‌ కనెక్షన్‌ ధ్రువపత్రాలు వినియోగించుకోవచ్చు.

నిబంధనలు పాటించాలి

ఆధార్‌ కార్డు అప్‌డేట్‌లో పేరుతో చేసే మార్పుల ద్వారా జరిగే మోసాలను అరికట్టేందుకు తాజాగా యూఐడీఏఐ జారీ చేసిన ఆదేశాలను ఆధార్‌ కేంద్రాల వారు పాటించాలి. నిబంధనల ప్రకారం ప్రజలు సరైన ధ్రువ పత్రాలు తీసుకుని అప్‌డేట్‌ చేసుకోవాలి. ఇది ఒకసారి మాత్రమే చేసుకోవచ్చు. గతంలో మాదిరిగా మళ్లీ మళ్లీ మార్చుకునే వీలులేదన్న విషయాన్ని గ్రహించాలి.

– రవి, ఈడీఎం, ఆదిలాబాద్‌ జిల్లా

1/1