క్వీన్ ఎలిజబెత్‌పై కాల్పులు!
  
 ప్రాచీనకాలం నుంచీ వస్తున్న సంప్రదాయం ప్రకారం బ్రిటన్‌లో ఏటా ‘ట్రూపింగ్ ద కలర్’ వేడుక జరుగుతుంది. సైన్యంలోని అన్ని రెజిమెంట్‌లు ఈ ఉత్సవంలో తమ రంగులను, జెండాలను ప్రదర్శిస్తాయి. ఈ కార్యక్రమానికి ఇంగ్లండ్ మహారాణి ముఖ్య అతిథిగా హాజరవుతారు. 1981 జూన్‌లో ఇలాగే ట్రూపింగ్ వేడుకలు జరుగుతున్నప్పుడు వాటికి హాజరవుతున్న క్వీన్ ఎలిజబెత్ 2 పై హత్యాయత్నం జరిగింది.
 
 అందుకు ప్రయత్నించింది మార్కస్ సార్జెంట్ అనే 17 ఏళ్ల కుర్రాడు! అయితే అతడు పేల్చిన తుపాకీలో గన్‌పౌడర్ తప్ప బులెట్‌లు తేకపోవడంతో పెద్ద దుర్ఘటన తప్పిపోయింది. జాన్.ఎఫ్.కెన్నెడీ, జాన్ లెన్నన్‌ల హత్యోదంతాలతో స్ఫూర్తి పొందిన మార్కస్‌కు కోర్టు ఆ ఏడాది సెప్టెంబర్ 14న జైలుశిక్ష విధించింది.