తాను పార్టీ మారుతున్నట్లు వస్తున్న ఆరోపణలు అవాస్తవమని ఖమ్మం పార్లమెంట్ సభ్యుడు పొంగులేటి శ్రీనివాసరెడ్డి అన్నారు. తాను పార్టీ వీడుతున్నట్లు ఎల్లో మీడియా చేస్తున్న దుష్ప్రచారాన్ని ఆయన కొట్టిపారేశారు. ఆదివారం ఖమ్మంలో పొంగులేటీ శ్రీనివాస్ రెడ్డి విలేకర్ల సమావేశంలో మాట్లాడుతూ... దివంగత ముఖ్యమంత్రి, మహానేత డాక్టర్ వైఎస్ రాజశేఖరరెడ్డి ఆశయాల కోసమే తాను రాజకీయాల్లోకి వచ్చానని ఆయన స్ఫష్టం చేశారు.
  
 వైఎస్ఆర్ కాంగ్రెస్ పార్టీని వీడనని, తమ పార్టీ అధ్యక్షుడు జగన్కు అండగా ఉంటానని తెలిపారు. తెలంగాణ రాష్ట్రంలో వైఎస్ఆర్ కాంగ్రెస్ పార్టీ బలోపేతానికి కృషి చేస్తాననని పొంగులేటీ శ్రీనివాసరెడ్డి స్పష్టం చేశారు. వైఎస్ఆర్ కాంగ్రెస్ పార్టీకి చెందిన పలువురు ఎంపీలు ఆ పార్టీని వీడి టీడీపీలో చేరుతారంటూ ఎల్లో మీడియా ఇటీవల పలు వార్తా కథనాలు వెలువరించింది. ఈనేపథ్యంలో పొంగులేటి శ్రీనివాస్ రెడ్డి వివరణ ఇచ్చారు.  


 హైదరాబాద్ : సీపీఐ నారాయణ ఆరోపణలను సీపీఎం నేత రాఘవులు  తీవ్రంగా ఖండించారు. నారాయణ విమర్శలు జుగుప్సాకరంగా ఉన్నాయని ఆయన బుధవారమిక్కడ అన్నారు. తనపై చేసిన ఆరోపణలను నారాయణ రుజువు చేయాలని రాఘవులు డిమాండ్ చేశారు. నారాయణ ఆరోపణలకు తాను ప్రతి ఆరోపణలు చేయనని అన్నారు.
 జాతీయ విధానాలకు అనుకూలంగా పొత్తులు పెట్టుకుంటామని రాఘవులు తెలిపారు. కాంగ్రెస్ పార్టీతో కలిసి వెళ్లేవారితో పొత్తు ఉండదని ముందే చెప్పామన్నారు. ఖమ్మం లోక్ సభ స్థానం నుంచి బరిలోకి దిగిన  తనను ఓడించడానికి సీపీఎం రూ. 15 కోట్లకు అమ్ముడుపోయిందంటూ నారాయణ వ్యాఖ్యలు చేసిన విషయం తెలిసిందే.