TV
ఒబామాతో భేటీకానున్న మోదీ
అమెరికా పర్యటనలో భారత ప్రధాని నరేంద్ర మోదీ తీరికలేకుండా గడపుతున్నారు.
న్యూయార్క్: అమెరికా పర్యటనలో భారత ప్రధాని నరేంద్ర మోదీ తీరికలేకుండా గడపుతున్నారు. సోమవారం ప్రపంచ అగ్రదేశాధినేతలతో మోదీ సమావేశంకానున్నారు. మోదీ సిలికాన్ వ్యాలీ నుంచి న్యూయార్క్కు బయల్దేరారు.
భారత కాలమానం ప్రకారం ఈ రోజు రాత్రి 7 గంటలకు అమెరికా అధ్యక్షుడు బరాక్ ఒబామాతో మోదీ సమావేశంకానున్నారు. ఏడాదికాలంలో ఈ ఇద్దరు నేతలూ కలవడమిది మూడోసారి. ఇరు దేశాల వ్యూహాత్మక సంబంధాల గురించి మోదీ, ఒబామా దాదాపు గంటా పది నిమిషాల పాటు చర్చించనున్నారు. ఈ సమావేశంపై సర్వత్రా ఆసక్తి నెలకొంది. మోదీ అంతకుముందు బ్రిటన్ ప్రధాని డేవిడ్ కామెరూన్, ఫ్రాన్స్ అధ్యక్షుడు ఫ్రాన్కోయిస్ హోలాండెలతో భేటీకానున్నారు. ఐక్యరాజ్యసమితి ప్రధాన కార్యదర్శి బాన్ కీ మూన్ సభ్య దేశాధినేతలకు ఇచ్చే విందులో మోదీ పాల్గొంటారు.
