నాల్గో స్థానంలో రాహుల్‌ వచ్చాడు..

KL Rahul Bat at No4 in Warm Up Match Against New Zealand - Sakshi

లండన్‌: వన్డే వరల్డ్‌కప్‌లో భాగంగా శనివారం ఇక్కడ న్యూజిలాండ్‌తో జరుగుతున్న వార్మప్‌ మ్యాచ్‌లో టీమిండియా ఓపెనర్లు శిఖర్‌ ధావన్‌, రోహిత్‌ శర్మలు విఫలమయ్యారు. టాస్‌ గెలిచి బ్యాటింగ్‌ ఆరంభించిన టీమిండియా ఆదిలోనే రోహిత్‌, ధావన్‌ వికెట్లను నష్టపోయింది. ముందుగా ఆరు బంతులు ఆడిన రోహిత్‌ రెండు పరుగులు మాత్రమే చేసి పెవిలియన్‌ చేరాడు. భారత్‌ ఇన్నింగ్స్‌లో భాగంగా ట్రెంట్‌ బౌల్ట్‌ వేసిన రెండో ఓవర్‌ రెండో బంతికి రోహిత్‌ ఎల్బీగా ఔటయ్యాడు. దాంతో భారత జట్టు మూడు పరుగుల వద్ద తొలి వికెట్‌ను నష్టపోయింది. ఆపై ధావన్‌(2) కూడా పెవిలియన్‌ చేరాడు. బౌల్ట్‌ వేసిన నాల్గో ఓవర్‌ తొలి బంతికి ధావన్‌ ఔటయ్యాడు.

ఫలితంగా పది పరుగులకే టీమిండియా రెండు ప్రధాన వికెట్లను నష్టపోయింది. ఇక కెప్టెన్‌ విరాట్‌ కోహ్లి మూడో స్థానంలో బ్యాటింగ్‌కు రాగా, కేఎల్‌ రాహుల్‌ నాల్గో స్థానంలో బ్యాటింగ్‌కు దిగాడు. దాంతో వరల్డ్‌కప్‌లో నాల్గో స్థానంలో బ్యాటింగ్‌కు ఎవరు చేస్తారు అనే దానిపై టీమిండియా దాదాపు స్పష్టత ఇచ్చినట్లే కనబడుతోంది. కాగా, రాహుల్‌(6) మాత్రం నిరాశ పరిచాడు. 10 బంతులు ఆడిన రాహుల్‌ ఆరు పరుగులు చేసి పెవిలియన్‌ బాట పట్టాడు. ఈ వికెట్‌ను కూడా బౌల్ట్‌ ఖాతాలో వేసుకోవడం విశేషం. బౌల్ట్‌ బౌలింగ్‌లో రాహుల్‌ బౌల్డ్‌ అయ్యాడు. దాంతో 24 పరుగులకే టీమిండియా మూడు వికెట్లు కోల్పోయి కష్టాల్లో పడింది.

Read latest Sports News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top