కమాండెంట్ సింధు...

కమాండెంట్ సింధు...

బ్యాడ్మింటన్ స్టార్‌కు సీఆర్‌పీఎఫ్ గౌరవం!  
న్యూఢిల్లీ: రియో ఒలింపిక్స్‌లో రజతం నెగ్గిన భారత బ్యాడ్మింటన్ క్రీడాకారిణి పీవీ సింధుకు మరో గౌరవం లభించనుంది. ఈ హైదరాబాద్ అమ్మారుుకి సెంట్రల్ రిజర్వ్ పోలీస్ ఫోర్స్ (సీఆర్‌పీఎఫ్) కమాండెంట్ గౌరవ హోదా ఇవ్వనుంది. దాంతోపాటు ఆమెను సీఆర్‌పీఎఫ్ బ్రాండ్ అంబాసిడర్‌గా నియమించనుంది. ఈ మేరకు సీఆర్‌పీఎఫ్ హోం మంత్రిత్వశాఖకు తమ ప్రతిపాదనలు పంపించింది. లాంఛనాలు పూర్తయ్యాక అధికారిక కార్యక్రమం ఏర్పాటు చేసి సీఆర్‌పీఎఫ్ ఈ నియామక ప్రకటన చేయనుంది.

ఈ మేరకు సింధుకు కూడా సమాచారం అందించినట్లు సీఆర్‌పీఎఫ్ వర్గాలు తెలిపాయి. సీఆర్‌పీఎఫ్‌లో కమాండెంట్ ర్యాంక్ సూపరింటెండెంట్ ఆఫ్ పోలీసు (ఎస్పీ)తో సమానం. సీఆర్‌పీఎఫ్‌లో కమాండెంట్ ర్యాంక్ ఉన్న వారు వెయ్యిమందితో కూడిన దళానికి నాయకుడిగా ఉంటారు.