‘శ్రమ్‌’ పురస్కారాల ప్రదానం

సాక్షి, న్యూఢిల్లీ : దేశంలో ప్రభుత్వ, ప్రైవేటు సంస్థల్లో నైపుణ్యంతో, నిజాయితీగా పనిచేసే సిబ్బందికి, కార్మిక అభివృద్ధికోసం పనిచేసిన 338 మందిని కేంద్ర కార్మిక, ఉపాధి కల్పన శాఖ ‘ప్రధాన మంత్రి శ్రమ్‌’పురస్కారాలతో సత్కరించింది. ఏటా గణతంత్ర దినోత్సవాన్ని పురస్కరించుకొని ప్రకటించే ఈ అవార్డులను గత ఆరేళ్లకుగానూ ఉపరాష్ట్రపతి వెంకయ్యనాయుడు, కేంద్ర మంత్రి సంతోష్‌కుమార్‌ గంగ్వార్‌ సోమవారం ఢిల్లీలో ప్రదానం చేశారు.

హైదరాబాద్‌లోని బ్రహ్మాస్‌ ఏరోస్పేస్‌ ప్రైవేట్‌ లిమిటెడ్‌కు చెందిన కె.రామ్‌ప్రసాద్, హైదరాబాద్‌ బీహెచ్‌ఈఎల్‌కు చెందిన సి.కుమార్, జి.గోవర్దన్‌రెడ్డి, వెంకటేశ్వరరావు, రాజేందర్‌ ప్రసాద్‌ పురస్కారాలు దక్కించుకున్నారు.