పాక్‌ మహిళ నోరుమూయించిన ప్రియాంక

Priyanka Chopra Response Over Pak Woman Yell - Sakshi

తన పట్ల దురుసుగా ప్రవర్తించిన పాకిస్తాన్‌ మహిళకు ప్రముఖ నటి ప్రియాంక చోప్రా ఘాటు సమాధానం ఇచ్చారు. అంతేకాకుండా ఆమె నోరు కూడా మూయించారు. ఇందుకు సంబంధించిన వీడియో ప్రస్తుతం వైరల్‌గా మారింది. వివరాల్లోకి వెళితే.. శనివారం లాస్‌ ఎంజిల్స్‌లో బ్యూటికాన్‌ పేరిట జరిగిన కార్యక్రమానికి ప్రియాంక హాజరయ్యారు. ఆ కార్యక్రమంలో భాగంగా అభిమానులు అడిగిన ప్రశ్నలకు ప్రియాంక సమాధానాలు చెప్పడం ప్రారంభించారు. అప్పుడే ఓ పాకిస్తాన్‌ మహిళ ప్రియాంక ప్రసంగానికి అడ్డుతగిలారు. గతంలో భారత బలగాలు ఉగ్రస్థావరాలపై దాడులు జరిపినప్పుడు ప్రియాంక చేసిన ట్వీట్‌ను ప్రస్తావిస్తూ ఇబ్బంది పెట్టే ప్రయత్నం చేశారు.

‘పాకిస్తాన్‌పై భారత బలగాలు వైమానిక దాడులు జరిపినప్పుడు మీరు జైహింద్‌ అంటూ ట్వీట్‌ చేశారు. యూనిసెఫ్‌ గుడ్‌విల్‌ అంబాసిడర్‌గా ఉంటూ పాక్‌పై న్యూ క్లియర్‌ యుద్దం జరగాలని అనుకుంటున్నారు. మీరు ఆ పదవిలో ఉండేందుకు అనర్హులు. నాలాగే చాలా మంది పాకిస్తాన్‌ ప్రజలు మిమ్మల్ని ఇష్టపడతారు. కానీ ఇలా రెచ్చగొట్టే వ్యాఖ్యలు చేస్తారా?’ అంటూ పాక్‌ మహిళ గట్టి గట్టిగా అరిచారు. అయితే ఆమె మాట్లాడినంత సేపు మౌనంగా ఉన్న ప్రియాంక..  ఆ తర్వాత చాలా ఓపికగా సమాధానమిచ్చారు.

‘నేను మీ మాటలు వినాను. నాకు పాక్‌లో చాలా మంది స్నేహితులు ఉన్నారు. నేను భారతీయురాలిని. నా దేశం అంటే నాకు గౌరవం. యుద్దం దేనికి పరిష్కారం కాదు. నేను ఎటువంటి రెచ్చగొట్టే వ్యాఖ్యలు చేయలేదు. ఒకవేళ నన్ను ఇష్టపడేవారి సెంటిమెంట్స్‌ దెబ్బతింటే సారీ. నువ్వు నీ దేశం కోసం ఎలా ప్రశ్నిస్తున్నావో, నేను కూడా అంతే. కానీ నువ్వు అడిగిన విధానం బాగాలేదు. ఇలాంటి ప్రశ్నలు అడగాడినికి ఇది వేదిక కాదు. అనవసరంగా అరచి మీ విలువను తగ్గించుకోవద్ద’ని సూచించారు. ప్రపంచంలో సగం సంఖ్యలో ఉన్న మహిళలు.. ప్రతి రంగంలో ముందువరుసలో నిలువాలని ప్రియాంక అన్నారు. ఒకరికొకరు సాయం చేసుకుంటూ  మందుకు సాగాలని ఆకాక్షించారు. ఇందుకు సంబంధించిన వీడియోను ఓ నెటిజన్‌ సోషల్‌ మీడియాలో పోస్ట్‌ చేశారు.

Read latest Movies News and Telugu News | Follow us on FaceBook, Twitter

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top