రోబో 2.0 విడుదల తేది ప్రకటన

2.0 release date confirmed by lyca production - Sakshi

సాక్షి, హైదరాబాద్‌: దక్షిణాది నుంచి సూపర్ స్టార్ రజనీకాంత్ హీరోగా స్టార్ డైరెక్టర్ శంకర్ దర్శకత్వంలో  ప్రతిష్టాత్మకంగా తెరకెక్కుతున్న సినిమా 2.0. గతంలో ఇదే కాంబినేషన్ లో ఘనవిజయం సాధించిన రోబో కు సీక్వల్ గా తెరకెక్కుతున్న ఈ సినిమాలో రజనీ మరోసారి రోబోగా దర్శనమివ్వనున్నాడు. లైకా ప్రొడక్షన్స్ సంస్థ దేశంలోనే అత్యంత భారీ ప్రాజెక్ట్ గా ఈ చిత్రాన్ని తెరకెక్కిస్తోంది.

ఈచిత్రం విడుదలపై లైకా ప్రొడక్షన్స్‌ తాజాగా పత్రికా ప్రకటన విడుదల చేసింది. సినిమా విడుదలపై వస్తున్న రూమర్లకు చెక్‌పెడుతూ విడుదలకు సంబంధించి ఓ ప్రకటన చేసింది. 2018 ఏప్రిల్‌ నెలలో చిత్రాన్ని ప్రపంచ వ్యాప్తంగా భారీఎత్తున విడుదల చేస్తున్నట్లు సోషల్‌ మీడియా ట్విట్టర్‌లో ప్రకటించింది. రజనీ సరసన అమీజాక్సన్ హీరోయిన్‌గా నటిస్తుండగా, బాలీవుడ్ నటుడు అక్షయ్ కుమార్ ప్రతినాయకుడిగా అలరించనున్నాడు.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top