వారఫలాలు

Varafalalu of the week 19-05-2019 - Sakshi

19 మే నుంచి 25 మే 2019 వరకు

మేషం: (అశ్వని, భరణి, కృత్తిక 1 పా.)
ఆర్థిక విషయాలలో కొంత గందరగోళంగా ఉంటుంది. అనుకున్న పనుల్లో ప్రతిబంధకాలు ఏర్పడవచ్చు. సోదరులు, సోదరీలతో అకారణంగా విభేదాలు. ఆరోగ్యంపై శ్రద్ధ వహించండి. ఆలోచనలు స్థిరంగా ఉండవు. పుణ్యక్షేత్రాలు సందర్శిస్తారు. ఆస్తుల వివాదాలు నెలకొంటాయి. కుటుంబబాధ్యతలు పెరిగి మీ సహనాన్ని పరీక్షిస్తాయి. వ్యాపారాలు ముందుకు సాగక డీలాపడతారు. ఉద్యోగాలలో కొన్ని మార్పులు ఉండవచ్చు. పారిశ్రామికవర్గాలకు ఆకస్మిక విదేశీ పర్యటనలు సంభవం. వారం మధ్యలో శుభవార్తలు. వాహనయోగం.  ఎరుపు, ఆకుపచ్చ రంగులు. ఉత్తరదిశ ప్రయాణాలు అనుకూలం. గణేశాష్టకం పఠించండి.

వృషభం: (కృత్తిక 2,3,4 పా, రోíß ణి, మృగశిర 1,2 పా.)
ముఖ్యమైన వ్యవహారాలు కొంత నత్తనడకన సాగుతాయి. ఆత్మీయులతో విభేదాలు నెలకొంటాయి. విద్యార్థులు కష్టపడ్డా ఫలితం అంతగా కనిపించదు. ఆస్తుల విషయంలో కొద్దిపాటి చికాకులు ఎదురవుతాయి. కుటుంబబాధ్యతలతో సతమతమవుతారు. ఆరోగ్యసమస్యలు కొంత చికాకు పరుస్తాయి. వ్యాపారాలు స్వల్పంగానే లాభిస్తాయి. ఉద్యోగాలలో పనిఒత్తిడులు పెరుగుతాయి. కళారంగం వారికి అంచనాలు తప్పుతాయి. వారం ప్రారంభంలో ధన,వాహనయోగాలు. నూతన పరిచయాలు. గులాబీ, నేరేడు రంగులు. తూర్పుదిశ ప్రయాణాలు అనుకూలం. నృసింహస్తోత్రాలు పఠించండి.

మిథునం: (మృగశిర 3,4, ఆరుద్ర, పునర్వసు 1,2,3 పా.)
ఉద్యోగ ప్రయత్నాలు సఫలీకృతమవుతాయి. ఆర్థిక పరిస్థితి మెరుగ్గా ఉంటుంది. రుణబాధలు తొలగుతాయి. సన్నిహితుల నుంచి కీలక సందేశం అందుతుంది.  ఆస్తుల వ్యవహారాలలో చికాకులు తొలగి లబ్ధి పొందుతారు. విద్యార్థులకు అనుకూల ఫలితాలు. గృహ నిర్మాణం, కొనుగోలు యత్నాలలో ముందడుగు పడుతుంది.  ఒక ఆహ్వానం సంతోషం కలిగిస్తుంది. వ్యాపారాలలో ఆశించిన లాభాలు అందుతాయి. ఉద్యోగాలలో పదోన్నతులు రావచ్చు. రాజకీయవర్గాలకు ఊహించని పదవులు దక్కుతాయి. వారం చివరిలో అనారోగ్యం. మిత్రులతో కలహాలు. తెలుపు, ఆకుపచ్చ రంగులు. దక్షిణదిశ ప్రయాణాలు అనుకూలం. శ్రీరామరక్షా స్తోత్రాలు పఠించండి.

కర్కాటకం: (పునర్వసు 4 పా., పుష్యమి, ఆశ్లేష)
బాకీలు వసూలై ఆర్థిక పరిస్థితి మరింత మెరుగుపడుతుంది. వ్యవహారాలలో విజయం సాధిస్తారు. భూములు, వాహనాలు కొనుగోలు చేస్తారు. ఆలోచనలు అమలు చేస్తారు. దూరపు బంధువులతో ఉత్తరప్రత్యుత్తరాలు సాగిస్తారు. నిరుద్యోగులకు ఇంటర్వ్యూలు అందుతాయి.  కుటుంబంలో కొన్ని నిర్ణయాలు తీసుకుంటారు. శుభకార్యాలకు డబ్బు ఖర్చు చేస్తారు. ఆథ్యాత్మిక కార్యక్రమాలలో పాల్గొంటారు. వ్యాపారాలు మరింత లా¿¶ సాటిగా ఉంటాయి. ఉద్యోగాలలో కొత్త హోదాలు పొందుతారు. కళారంగం వారికి కొత్త ఆశలు చిగురిస్తాయి. వారం ప్రారంభంలో ధనవ్యయం. అనారోగ్యం. శ్రమాధిక్యం. లేత ఆకుపచ్చ, తెలుపు రంగులు. పశ్చిమదిశ ప్రయాణాలు అనుకూలం. ఆదిత్య హృదయం పఠించండి.

సింహం: (మఖ, పుబ్బ, ఉత్తర 1 పా.)
ఆర్థిక విషయాలు నిరుత్సాహపరుస్తాయి. బంధువులు, మిత్రులతో విభేదాలు నెలకొనవచ్చు. నిర్ణయాలలో ఆచితూచి వ్యవహరించండి. ఆలయాలు సందర్శిస్తారు. ఆరోగ్య, కుటుంబసమస్యలు కొంత చికాకు పరుస్తాయి. పనుల్లో ప్రతిబంధకాలు నెలకొంటాయి. ప్రత్యర్థులను తక్కువగా అంచనా వేయవద్దు. తీర్థయాత్రలు చేస్తారు. ఆలోచనలు నిలకడగా ఉండవు. వ్యాపారాలు కొంత మందకొడిగా సాగుతాయి. ఉద్యోగాలలో పనిఒత్తిడులు పెరిగి ఇబ్బందికరంగా మారవచ్చు. రాజకీయవర్గాలకు విదేశీ పర్యటనలు వాయిదా పడతాయి. వారం చివరిలో శుభవార్తలు. వాహనయోగం. ఎరుపు, గులాబీ రంగులు. ఉత్తరదిశ ప్రయాణాలు అనుకూలం. సుబ్రహ్మణ్యాష్టకం పఠించండి.

కన్య: (ఉత్తర 2,3,4 పా, హస్త, చిత్త1,2 పా.)
అనుకున్న పనుల్లో ప్రతిబంధకాలు ఏర్పడవచ్చు. బం«ధుమిత్రులతో మాటపట్టింపులు. విద్యార్థులు శ్రమపడ్టా ఫలితం కనిపించదు. శ్రమ మరింత పెరుగుతుంది.  ఆస్తుల వ్యవహారాలలో కొద్దిపాటి చికాకులు. దూరప్రాంతాల నుంచి అందిన సమాచారం కొంత ఊరట కలిగిస్తుంది. ఇంటి నిర్మాణయత్నాలు ముందుకు సాగవు. తరచూ తీర్థయాత్రలు చేస్తారు. ఆరోగ్యసమస్యలు కొంత చికాకు పరుస్తాయి. వ్యాపారాలు కొంతమేర లాభిస్తాయి. ఉద్యోగాలలో  అదనపు బాధ్యతలు తప్పవు. పారిశ్రామికవర్గాలకు ఒత్తిడులు పెరుగుతాయి. వారం ప్రారంభంలో విందువినోదాలు. ఉద్యోగలాభం. నేరేడు, ఆకుపచ్చ రంగులు. తూర్పుదిశ ప్రయాణాలు అనుకూలం. లక్ష్మీస్తుతి మంచిది.

తుల: (చిత్త 3,4, స్వాతి, విశాఖ1,2,3 పా.)
అనుకున్న పనులలో ఆటంకాలు కొంత చికాకు పరుస్తాయి. కుటుంబసభ్యులతో కొన్ని వివాదాలు నెలకొనవచ్చు. ఆర్థిక విషయాలలో ఒడిదుడుకులు, అవసరాలకు రుణాలు చేస్తారు. విద్యార్థులకు శ్రమానంతరం ఫలితం కనిపిస్తుంది. విలువైన పత్రాలు జాగ్రత్తపర్చుకోండి. ఆరోగ్య సమస్యలు. వ్యాపారాలలో ఆచితూచి వ్యవహరించాలి. ఉద్యోగాలలో ఒత్తిడులు పెరుగుతాయి. రాజకీయవర్గాల యత్నాలు ముందుకు సాగవు. వారం మధ్యలో శుభవార్తలు. వాహనయోగం. ధనలాభం. గులాబీ, నీలం రంగులు. ఉత్తరదిశ ప్రయాణాలు అనుకూలం. హయగ్రీవస్తోత్రాలు పఠించండి.

వృశ్చికం: (విశాఖ 4 పా., అనూరాధ, జ్యేష్ఠ)
కొత్త విషయాలు తెలుసుని మరింత ఉత్సాహంగా గడుపుతారు. ఆర్థిక పరిస్థితి మెరుగ్గా ఉంటుంది. సన్నిహితులు, మిత్రులు సహకరిస్తారు. పోటీపరీక్షల్లో నిరుద్యోగులు విజయం సా«ధిస్తారు. ఇంటి నిర్మాణాలు చేపట్టే వీలుంది. దూరపు బంధువుల నుంచి శుభవార్తలు అందుతాయి. నేర్పుగా కొన్ని వ్యవహారాలు చక్కదిద్దుతారు. ఆలయాలు సందర్శిస్తారు. ప్రత్యర్థులపై పైచేయి సా«ధిస్తారు. వ్యాపారాలు మరింత లాభిస్తాయి. ఉద్యోగాలలో అనుకున్న హోదాలు పొందుతారు. కళారంగం వారికి మరిన్ని వకాశాలు దక్కుతాయి. వారం చివరిలో వ్యయప్రయాసలు. అనారోగ్య సూచనలు. ఎరుపు, నేరేడు రంగులు. తూర్పుదిశ ప్రయాణాలు అనుకూలం. విష్ణుసహస్రనామ పారాయణ చేయండి.

ధనుస్సు: (మూల, పూర్వాషాఢ, ఉత్తరాషాఢ 1 పా.)
ఆర్థిక పరిస్థితి కొంత ఇబ్బంది కలిగిస్తుంది. కొత్తగా రుణాలు చేస్తారు. ఆలోచనలు స్థిరంగా ఉండవు. విద్యార్థులు, నిరుద్యోగులకు శ్రమ తప్పదు. పనులు సమయానికి పూర్తి కాక నిరాశ చెందుతారు. ఆలయాలు సందర్శిస్తారు. ఆరోగ్యంపై మరింత శ్రద్ధ  వహించండి. బంధువులు, మిత్రుల నుంచి ఒత్తిడులు పెరుగుతాయి. ఆస్తి వివాదాలు నెలకొంటాయి. వ్యాపార లావాదేవీలు అంతంత మాత్రంగా ఉంటాయి. ఉద్యోగాలలో పనిభారంతో సతమతమవుతారు. పారిశ్రామికవర్గాలకు నిరుత్సాహంగా గడుస్తుంది. వారం మధ్యలో «దన,వస్తులాభాలు. చిన్ననాటి మిత్రుల నుంచి శుభవార్తలు. గులాబీ, పసుపు రంగులు. దక్షిణదిశ ప్రయాణాలు అనుకూలం. ఆంజనేయ దండకం పఠించండి.

మకరం: (ఉత్తరాషాఢ 2,3,4, శ్రవణం, ధనిష్ఠ 1,2 పా.)
చేపట్టిన పనులు దిగ్విజయంగా పూర్తి కాగలవు. ఆర్థికంగా మరింత బలం చేకూరుతుంది. మీరు తీసుకునే నిర్ణయాలు అంతా హర్షిస్తారు. సంఘంలో పేరుప్రతిష్ఠలు పొందుతారు. ఆశ్చర్యకరమైన విషయాలు తెలుసుకుంటారు. వివాహాది వేడుకల నిర్వహణలో పాలుపంచుకుంటారు. విద్యార్థుల కృషి మంచి ఫలితాలు ఇస్తుంది. ఇంటి నిర్మాణాలు లేదా కొనుగోలు యత్నాలు సఫలమవుతాయి. ఆధ్యాత్మిక కార్యక్రమాలపై దృష్టి సారిస్తారు. వ్యాపారాలు విస్తరిస్తారు. ఉద్యోగాలలో ఊహించని పదోన్నతులు దక్కవచ్చు. వారం మధ్యలో చికాకులు. మానసిక అశాంతి. అనారోగ్యం. నీలం, నేరేడు రంగులు. దక్షిణదిశ ప్రయాణాలు అనుకూలం. గణేశ్‌స్తోత్రాలు పఠించండి.

కుంభం: (ధనిష్ఠ 3,4, శతభిషం, పూర్వాభాద్ర 1,2,3 పా.)
వీరికి అన్ని విధాలుగా అనుకూల సమయం. ఆర్థిక పరిస్థితి మరింత మెరుగ్గా ఉంటుంది. సన్నిహితుల సాయంతో ముందుకు సాగి సమస్యలను పరిష్కరించుకుంటారు. ఆత్మవిశ్వాసం పెరుగుతుంది. ఆస్తుల వ్యవహారాలు కొలిక్కి వస్తాయి. దూరప్రాంతాల నుంచి అందిన సమాచారం ఊరటనిస్తుంది. వివాహ, ఉద్యోగయత్నాలు సానుకూలం. కొత్తవ్యక్తులు పరిచయం కాగలరు. వ్యాపారాలలో అనుకున్న లాభాలు తథ్యం. ఉద్యోగాలలో చిక్కుల నుంచి బయటపడతారు. రాజకీయవర్గాలకు ఆకస్మిక విదేశీ పర్యటనలు. వారం చివరిలో ఆరోగ్య, కుటుంబసమస్యలు. బంధువిరోధాలు. నలుపు, ఆకుపచ్చ రంగులు. తూర్పుదిశ ప్రయాణాలు అనుకూలం. దేవీఖడ్గమాల పఠించండి.

మీనం: (పూర్వాభాద్ర 4 పా., ఉత్తరాభాద్ర, రేవతి)
ప్రారంభంలో కొంత మందకొడిగా ఉన్నా క్రమేపీ ఉత్సాహపూరితంగా గడుపుతారు. ఆర్థిక విషయాలు గతం కంటే మెరుగుపడతాయి. ఆలోచనలు కార్యరూపం దాలుస్తాయి. విద్యార్థుల ప్రతిభ వెలుగులోకి వస్తుంది. ఆశ్చర్యకరమైన విషయాలు తెలుసుకుంటారు. పనులు చకచకా పూర్తి చేస్తారు. గృహ, వాహనయోగాలు కలిగే అవకాశాలు. ప్రముఖులు పరిచయమవుతారు. ఎంతోకాలంగా వేధిస్తున్న కొన్ని సమస్యలు, వివాదాలు పరిష్కారమవుతాయి. వ్యాపారాలు విస్తరిస్తారు. ఉద్యోగాలలో బాధ్యతలు సమర్థవంతంగా నిర్వహిస్తారు. కళారంగం వారికి అవకాశాలు మరింత పెరుగుతాయి. వారం ప్రారంభంలో ధనవ్యయం. అనారోగ్యం. కుటుంబంలో ఒత్తిడులు. గులాబీ, తెలుపు రంగులు. ఉత్తరదిశ ప్రయాణాలు అనుకూలం. రాఘవేంద్రస్తోత్రాలు పఠించండి.\
- సింహంభట్ల సుబ్బారావు జ్యోతిష్య పండితులు

 టారో (19 మే నుంచి  25 మే, 2019 వరకు)
మేషం (మార్చి 21 – ఏప్రిల్‌ 19)
ఆర్థిక పురోగతి గణనీయంగా వేగం పుంజుకుంటుంది. భాగస్వాముల సహకారంతో వ్యాపారాల్లో రెట్టింపు లాభాలను సాధిస్తారు. వృత్తి ఉద్యోగాల్లో నిర్ణయాధికారాలు గల హోదాలకు ఎదుగుతారు. భవిష్యత్తును మలుపు తిప్పగల కొత్త అవకాశం ఒకటి అందివస్తుంది. ఆశలు వదిలేసుకున్న మొండి బాకీలు వసూలవుతాయి. చట్టపరమైన వివాదాలు సానుకూలంగా పరిష్కారమవుతాయి. ప్రేమికుల మధ్య అనుబంధం బలపడుతుంది. పెళ్లికాని వారికి మంచి సంబంధం కుదిరే అవకాశాలు ఉన్నాయి. ఇంటి అలంకరణల్లో మార్పులు చేపడతారు.
లక్కీ కలర్‌: పసుపు

వృషభం (ఏప్రిల్‌ 20 – మే 20)
పనులు అనుకున్న రీతిలో ముందుకు సాగవు. చట్టపరమైన వివాదాల పరిష్కారానికి మరికొంత కాలం ఎదురు చూడక తప్పదు. అనుకోని అవరోధాలు ఎదురవుతాయి. ఖర్చులు అదుపు తప్పుతాయి. శక్తికి మించిన బాధ్యతలు మీద పడటంతో ఉక్కిరిబిక్కిరయ్యే పరిస్థితులు ఉన్నాయి. మానసిక ఒత్తిడి ఆరోగ్యంపై ప్రభావం చూపుతుంది. గురువు లేదా పెద్దల్లో ఒకరు మిమ్మల్ని ఆదుకుంటారు. ప్రేమికుల మధ్య పొరపొచ్చాలు తలెత్తే సూచనలు ఉన్నాయి. చొరవ తీసుకుని అభిప్రాయ భేదాలను చక్కదిద్దుకోవడం మంచిది. ఆధ్యాత్మిక చింతన పెరుగుతుంది.
లక్కీ కలర్‌: నారింజ

మిథునం (మే 21 – జూన్‌ 20)
అదృష్టం కలిసొస్తుంది. ఆర్థిక పురోగతి అద్భుతంగా ఉంటుంది. పుష్కలమైన సంపద సంతృప్తిని కలిగిస్తుంది. సానుకూల దృక్పథంతో వృత్తి ఉద్యోగాల్లో సత్ఫలితాలను సాధిస్తారు. సాహసోపేతమైన నిర్ణయాలు ఊహించని ఫలితాలనిస్తాయి. కొందరికి పదోన్నతులు, కోరుకున్న చోటుకు స్థానచలనం దక్కవచ్చు. ప్రేమికుల అనుబంధానికి పెద్దల ఆమోదం లభిస్తుంది. విద్యార్థులకు విదేశీ అవకాశాలు లభిస్తాయి. ఆధ్యాత్మిక మార్గంలో పురోగతి సాధిస్తారు. గురువుల ఆశీస్సులను పొందుతారు. ఎన్నడూ చూడని పుణ్యక్షేత్రాన్ని దర్శించుకుంటారు.
లక్కీ కలర్‌: నీలం

కర్కాటకం (జూన్‌ 21 – జూలై 22)
ఆదాయానికి మించిన ఖర్చులు ఇబ్బందిపెట్టే సూచనలు ఉన్నాయి. జూదానికి దూరంగా ఉండటం మంచిది. పెట్టుబడులపై లాభాలు చేతికందడానికి మరికొంత కాలం పడుతుంది. వృత్తి ఉద్యోగాల్లో పదోన్నతుల విషయంలో గట్టి పోటీని ఎదుర్కోవాల్సి వస్తుంది. పనిభారానికి దూరంగా విహారయాత్రలకు వెళతారు. భవిష్యత్‌ నిర్ణయాలకు సంబంధించి ప్రియతములు మీ సలహాలను కోరుకుంటారు. సామాజిక కార్యక్రమాల్లో చురుగ్గా పాల్గొంటారు. మనసుకు నచ్చిన వ్యాపకాల కోసం సమయాన్ని కేటాయించుకుంటారు.
లక్కీ కలర్‌: గులాబి

సింహం (జూలై 23 – ఆగస్ట్‌ 22)
ఉత్సాహభరితమైన వాతావరణం ఉంటుంది. ఆర్థిక వృద్ధికి దోహదపడే కొత్త పనులు చేపడతారు.వృత్తి ఉద్యోగాల్లోని పని ఒత్తిడికి, కుటుంబ బాధ్యతలకు మధ్య సమతుల్యతను సాధిస్తారు. ఆర్థిక పరిస్థితి సంతృప్తికరంగా ఉంటుంది. వేడుకల్లో పాల్గొంటారు. చిన్ననాటి మిత్రులను కలుసుకుంటారు. ప్రేమ వ్యవహారాల్లో అభద్రతాభావానికి లోనవుతారు. ఆరోగ్యం మందగించే సూచనలు ఉన్నాయి. వ్యాయామం కొనసాగిస్తారు. వైద్యుల సలహాతో ఆహార అలవాట్లలో మార్పులు చేపడతారు. ఆధ్యాత్మిక కార్యక్రమాల్లో పాల్గొంటారు.
లక్కీ కలర్‌: పసుపు

కన్య (ఆగస్ట్‌ 23 – సెప్టెంబర్‌ 22)
ఇంటికి మరమ్మతులు, కొత్త అలంకరణలు చేయిస్తారు. చాలాకాలంగా కొనసాగిస్తున్న భారీ పనిని విజయవంతంగా పూర్తి చేస్తారు. ఇదివరకటి ఇబ్బందులన్నీ తొలగిపోతాయి. వృత్తి ఉద్యోగాల్లోని పరిస్థితులు సంతృప్తికరంగా ఉంటాయి. ఆర్థిక లావాదేవీలు లాభసాటిగా ఉంటాయి. పిల్లల పురోగతికి ఆనందిస్తారు. ఇదివరకు ఎన్నడూ చూడని కొత్త ప్రదేశాలకు వెళతారు. ప్రకృతి ఒడిలో సేదదీరుతారు. కొంత విరామం తర్వాత రెట్టించిన ఉత్సాహంతో పనులు చేపడతారు. ఆరోగ్యం మెరుగుపడుతుంది. గురువుల ఆశీస్సులు అందుకుంటారు. ఆలయాలను దర్శించుకుంటారు.
లక్కీ కలర్‌: ఊదా

తుల (సెప్టెంబర్‌ 23 – అక్టోబర్‌ 22)
ఇంటా బయటా వరుస పనులతో తలమునకలుగా ఉంటారు. ఒక కఠోర వాస్తవం మీ కలల సౌధాన్ని కుప్పకూల్చేసే సూచనలు ఉన్నాయి. ఎన్నాళ్లుగానో నిలుపుకున్న ఆశలు చెల్లాచెదురు కావడంతో బాగా కలత చెందుతారు. వాస్తవాన్ని జీర్ణించుకునేందుకు సమయం తీసుకుంటారు. శక్తులు కూడదీసుకుని పరిస్థితులను చక్కదిద్దుకుంటారు. వృత్తి ఉద్యోగాల్లో పరిస్థితులు సానుకూలంగానే ఉంటాయి. వారాంతంలో కొన్ని కొత్త అవకాశాలు కలసివస్తాయి. ప్రతిభా పాటవాలకు తగిన గుర్తింపు లభిస్తుంది. ఆరోగ్యంపై ప్రత్యేక శ్రద్ధ తీసుకోవాల్సిన పరిస్థితులు ఎదురవుతాయి.
లక్కీ కలర్‌: ముదురు గులాబి

వృశ్చికం (అక్టోబర్‌ 23 – నవంబర్‌ 21)
వృత్తి ఉద్యోగాల్లో నాయకత్వ పటిమను నిరూపించుకుంటారు. వరుస విజయాలతో ఆకాశమే హద్దుగా దూసుకుపోతారు. ఇతరులకు స్ఫూర్తి కలిగిస్తారు. దీర్ఘకాలిక లక్ష్యాలతో కొత్త పనులు తలపెడతారు. సృజనాత్మకతతో ఇతరులను ఆకట్టుకుంటారు. వస్త్రాలంకరణలో మార్పులు చేపడతారు. ఆర్థిక పరిస్థితి అద్భుతంగా ఉంటుంది. ఇల్లు లేదా వాహనం కొనుగోలు చేసే సూచనలున్నాయి. ఇదివరకటి పెట్టుబడుల నుంచి ఊహించని లాభాలు అందుకుంటారు. ప్రేమికుల మధ్య అనుబంధాలు బలోపేతమవుతాయి. ప్రియతములను కానుకలతో ముంచెత్తుతారు. 
లక్కీ కలర్‌: వెండి రంగు

ధనుస్సు (నవంబర్‌ 22 – డిసెంబర్‌ 21)
సమస్యలు పూర్తిగా తొలగిపోతాయి. కొత్త ఆశలు చిగురిస్తాయి. వృత్తి ఉద్యోగాల్లో పరిస్థితులు ప్రోత్సాహకరంగా ఉంటాయి. ఆస్తులు కలసివచ్చే సూచననలు ఉన్నాయి. వివాదాలు సానుకూలంగా పరిష్కారమవుతాయి. ఆర్థిక పరిస్థితులు ఇదివరకటి కంటే సంతృప్తికరంగా ఉంటాయి. కుటుంబంలో సంతోషభరిత వాతావరణం నెలకొంటుంది. ఇంట్లో శుభకార్యాలు చేపడతారు. ప్రేమ ప్రతిపాదనలపై దీర్ఘాలోచనలు సాగిస్తారు. విదేశీ ప్రయాణాలు చేసే సూచనలు ఉన్నాయి. పెద్దల నుంచి ప్రోత్సాహం లభిస్తుంది. గురువుల ఆశీస్సులు అందుకుంటారు. 
లక్కీ కలర్‌: ఆకుపచ్చ

మకరం (డిసెంబర్‌ 22 – జనవరి 19)
వృత్తి ఉద్యోగాల్లో ప్రతిభ చాటుకుంటారు. నాయకత్వ పాత్రలో మీ దార్శనికత ఇతరుల్లో స్ఫూర్తి నింపుతుంది. ప్రతికూల పరిస్థితుల్లో సైతం నిర్ణీత సమయానికి నిర్దేశిత లక్ష్యాలను సాధిస్తారు. కొత్త పథకాలను ప్రారంభిస్తారు. వ్యాపార విస్తరణలో దూకుడు మరింతగా పెంచుతారు. పెద్దల నుంచి కానుకలు అందుకుంటారు. పాత బాకీలను తీర్చేస్తారు. ఆర్థిక పరిస్థితి గణనీయంగా మెరుగుపడుతుంది. కుటుంబ సభ్యులతో సంతోషంగా కాలక్షేపం చేస్తారు. ప్రియతములతో విహార యాత్రలకు వెళతారు. సామాజిక సేవా కార్యక్రమాలకు ఆర్థికంగా చేయూతనిస్తారు.
లక్కీ కలర్‌: బంగారు రంగు

కుంభం (జనవరి 20 – ఫిబ్రవరి 18)
సమస్యల నుంచి గట్టెక్కడానికి మరికొంత కాలం వేచి చూడక తప్పదు. వ్యక్తిగత అంశాలు, వృత్తిపరమైన అంశాలకు సంబంధించి ఇంతకాలం ఉన్న భ్రమలు తొలగిపోతాయి. మరింత క్రియాశీలంగా ఆలోచిస్తారు. ఆచరణాత్మకమైన ప్రణాళికతో ముందుకు సాగుతారు. భావోద్వేగాలను అదుపు చేసుకోవాల్సి ఉంటుంది. పని ప్రదేశంలో అనవసరమైన వాగ్వాదాలకు దూరంగా ఉండటం క్షేమం. పెట్టుబడులు, ఆస్తుల కొనుగోలు నిర్ణయాలను ప్రస్తుతానికి వాయిదా వేసుకోవడమే మంచిది. వాహనాలు నడిపేటప్పుడు జాగ్రత్త అవసరం. ఆరోగ్యం మందగించే సూచనలు ఉన్నాయి.
లక్కీ కలర్‌: కాషాయం

మీనం (ఫిబ్రవరి 19 – మార్చి 20)
ఎలాంటి సవాళ్లనైనా ఎదుర్కోవడానికి సన్నద్ధంగా ఉంటారు. భయాన్ని పూర్తిగా జయిస్తారు. సామాజిక కార్యక్రమాల్లో చురుగ్గా పాల్గొంటారు. క్రీడాకారులు ఉత్సాహంతో ఉరకలేస్తారు. విజయాలు సాధిస్తారు. పనితనం వల్ల సాధించిన గుర్తింపు కారణంగా విదేశీ అవకాశాలు కలిసొచ్చే సూచనలు ఉన్నాయి. జనాకర్షణ పెరుగుతుంది. ఇతరులు మీ సలహాల కోసం, అభిప్రాయాల కోసం ఎదురు చూస్తారు. వృత్తి ఉద్యోగాల్లో పరిస్థితులు ప్రోత్సాహకరంగా ఉంటాయి. పని నుంచి కొంత విరామం తీసుకుని విహార యాత్రలకు వెళతారు. దేవాలయాలను దర్శించుకుంటారు.
లక్కీ కలర్‌: గోధుమ రంగు
- ఇన్సియా టారో అనలిస్ట్‌ 

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top