భీమవరం.. టీడీపీ శ్రేణుల గరంగరం

 

 పార్టీ గెలిచే పరిస్థితులు లేకపోవడంతో చాలామంది ద్వితీయ శ్రేణి నేతలు ప్రచారానికి దూరంగా ఉంటూ ఎవరి పనులు వారు చూసుకుంటున్నారు. టికెట్ ఆశించి భంగపడిన సీనియర్ నేత మెంటే పార్థసారథిని అధిష్టానం బుజ్జగించే పనిలో ఉన్నప్పటికీ తన సీటును తన్నుకుపోయిన అంజిబాబుపై ఆయన లోలోన రగిలిపోతున్నట్లు తెలిసింది. సారథికి జరిగిన అన్యాయాన్ని ఆయన అనుచరులు జీర్ణించుకోలేకపోతున్నారు. మూడు దశాబ్దాలుగా పార్టీని అంటిపెట్టుకుని పని చేసిన సార థిలాంటి వారినే గుర్తించకపోతే తమ పరిస్థితి ఏమిటంటూ కొంతమంది కార్యకర్తలు తీవ్రంగా మదనపడుతున్నారు. ఎమ్మెల్యేగా అంజిబాబు పాలనను చూ శామని ఆయన ఏలుబడిని మరోసారి చూడనవసరం లేదని పలువురు టీడీపీ కార్యకర్తలు పేర్కొంటున్నారు. దీంతో అంజిబాబు శిబిరంలో స్తబ్దత నెలకొంది. పార్టీ నేతలు, కార్యకర్తలను తనవైపునకు తిప్పుకునేందుకు ఏం చేయాలో తెలియ క అంజిబాబు తల పట్టుకున్నారు.