వాటర్‌షెడ్‌ పనుల పరిశీలించిన కలెక్టర్‌

హుస్నాబాద్‌రూరల్‌:  నాబార్డు సహకారంతో పనికిరాని భూములు సాగుకు యోగ్యంగా మారడం సంతోషకరమని కలెక్టర్‌ నీతూకుమారి అన్నారు. శనివారం హుస్నాబాద్‌ మండలం కుందనపల్లిలో నాబార్డు ఆధ్వర్యంలో చేపట్టిన వాటర్‌షెడ్‌ పనులను ఆమె పరిశీలించారు. హరితహారంలో భాగంగా రైతుల భూముల్లో టేకు మొక్కలు నాటేందుకు నాబార్డు సహకారంతో ప్రకృతి ఎన్జీవో చొరవచూపుతుందన్నారు. గిరిజన రైతులకు ఆరుతడి పంటల విత్తనాలను కలెక్టర్‌ పంపిణీ చేశారు. కార్యక్రమంలో నాబార్డు ఏజీఎం రవిబాబు, ఎంపీపీ భూక్య మంగ, సర్పంచులు నిర్మల, స్వరూప,ఎంపీటీసీ స్వామిరెడ్డి, ప్రకృతి ఎన్జీవో సీఈవో జయశ్రీ, ప్రతి నిధులు కిరణ్, మోతిలాల్,ౖ రెతులు పాల్గొన్నారు.