మన్యంలో డెంగ్యూ

బుట్టాయగూడెం: బుట్టాయగూడెం ప్రభుత్వాస్పపత్రిలో డెంగ్యూ కేసు నమోదయ్యింది. తీవ్ర జ్వరంతో బాధపడుతున్న ఒక గిరిజన బాలుడిని పరీక్షించిన వైద్యులు డెంగ్యూగా నిర్దారించారు. ఆస్పత్రి వైద్యురాలు సుధ తెలిపిన వివరాల ప్రకారం.. పోలవరం మండలం గిన్నేపల్లికి చెందిన కోండ్ల ప్రసాద్‌రెడ్డి అనే బాలుడు తీవ్ర జ్వరంతో బాధపడుతుండగా కుటుంబసభ్యులు పోలవరం ఆస్పత్రిలో వైద్యం చేయించారు. పరిస్థితి విషమించడంతో శుక్రవారం బుట్టాయగూడెం ప్రభుత్వాస్పత్రికి తీసుకువచ్చారు. ఇక్కడ రక్తపరీక్షలు చేయగా డెంగ్యూగా రిపోర్టు వచ్చింది. బాలుడికి మెరుగైన వైద్య సేవలు అందిస్తున్నామని, ప్రస్తుతం బాలుడి పరిస్థితి బాగానే ఉందని డాక్టర్‌ సుధ చెప్పారు.