భక్షక భటులు.. ఒంటరి యువతి పట్ల..

సాక్షి, విజయవాడ : ఒంటరి యువతికి అండగా నిలబడాల్సిన పోలీస్‌ కానిస్టేబుళ్లు కీచకులుగా మారి వేధించారు. తాగిన మత్తులో.. ఒంటరిగా ఉన్నయువతి పట్ల ఇద్దరు కానిస్టేబుళ్లు అసభ్యకరంగా ప్రవర్తించారు. ఈ సంఘటన విజయవాడలో ఆలస్యంగా వెలుగుచూసింది. కొద్దిరోజులు క్రితం విజయవాడ నెహ్రూ బస్టాండ్‌లో ఒంటరిగా ఉ‍న్న ఓ యువతి పట్ల ఇద్దరు కానిస్టేబుళ్లు వికృత చేష్టలకు పాల్పడ్డారు. మద్యం మత్తులో ఉన్న వారు అసభ్యకరంగా ప్రవర్తించారు. ఈ ఇద్దరిని తెలంగాణ కొండాపూర్‌ బెటాలియన్‌కు చెందిన ఏపీ ఎస్పీ కానిస్టేబుళ్లుగా పోలీసులు గుర్తించారు.

వారు పోలీసులు కావటంతో విజయవాడ పోలీసులు ఆ సంఘటనను గోప్యంగా ఉంచారు. బస్టాండ్‌ పోలీస్‌ అవుట్‌ పోస్ట్‌లో ఉ‍న్న హెడ్‌ కానిస్టేబుల్‌ మూర్తిని మ్యానేజ్‌ చేసుకుని వారు హైదరాబాద్‌ వెళ్లిపోయారు. దీంతో విజయవాడ పోలీసుల తీరుపై విమర్శలు గుప్పుమన్నాయి. ఈ సంఘటనపై స్పందించిన సీపీ సిబ్బందిపై సీరయస్‌ అయ్యారని సమాచారం.