TV
మల్లన్న సేవలో వైఎస్‌ జగన్‌మోహన్‌రెడ్డి
కర్నూలు జిల్లా శ్రీశైలం శ్రీభ్రమరాంబ మల్లికార్జునస్వామి వార్లను వైఎస్సార్‌సీపీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌రెడ్డి
వేదాశీర్వచనాలు అందించిన వేద పండితులు
శ్రీశైలం: కర్నూలు జిల్లా శ్రీశైలం శ్రీభ్రమరాంబ మల్లికార్జునస్వామి వార్లను వైఎస్సార్‌సీపీ అధ్యక్షుడు, ప్రతిపక్ష నేత వైఎస్‌ జగన్‌మోహన్‌రెడ్డి శుక్రవారం ఉదయం దర్శించుకున్నారు. ప్రధాన ఆలయ రాజగోపురం వద్ద దేవస్థానం జేఈఓ హరినాథ్‌రెడ్డి, అర్చకులు, వేదపండితులు వేద మంత్రోచ్చారణతో ఆయనకు ఆహ్వానం పలికారు. స్వామి, అమ్మవార్లకు జగన్‌ శాస్త్రోక్తంగా రుద్రాభిషేకం నిర్వహించారు.
తర్వాత అమ్మవారి ఆలయ ప్రాంగణంలోని ఆశీర్వచన మండపంలో వేద పండితులు వేదాశీర్వచనాలు, అర్చకులు తీర్థప్రసాదాలను ప్రతిపక్ష నేతకు అందించారు. అనంతరం స్వామి, అమ్మవార్ల శేషవస్త్రాలు, లడ్డూ ప్రసాదాలతోపాటు జ్ఞాపికను జేఈఓ అందజేశారు.
