TV
అనంతపురం జిల్లా గుంతకల్లు పట్టణంలో అక్రమంగా నిల్వ ఉంచిన రేషన్ బియ్యాన్ని అధికారులు పట్టుకున్నారు.
గుంతకల్లు (అనంతపురం): అనంతపురం జిల్లా గుంతకల్లు పట్టణంలో అక్రమంగా నిల్వ ఉంచిన రేషన్ బియ్యాన్ని అధికారులు పట్టుకున్నారు. పట్టణంలోని మహబూబ్‌నగర్ కాలనీలో జయన్న అనే వ్యక్తికి చెందిన గోదాముపై సోమవారం అర్థరాత్రి విజిలెన్స్, రెవెన్యూ అధికారులు దాడులు చేశారు. ఈ సందర్భంగా రేషన్ డీలర్ల నుంచి కొనుగోలు చేసి నిల్వ ఉంచిన 156 బస్తాలను స్వాధీనం చేసుకున్నారు. ఈ దాడుల్లో విజిలెన్స్ సీఐ శ్రీనివాసరెడ్డి, పౌర సరఫరాల శాఖ డిప్యూటీ తహశీల్దార్లు సురేష్‌బాబు, అనిల్ పాల్గొన్నారు. నిందితులపై కేసు నమోదు చేసి విచారణ చేపట్టారు.
