లోకేష్కు మంత్రి పదవి ఇచ్చినా అభ్యంతరం లేదు

లోకేష్కు మంత్రి పదవి ఇచ్చినా అభ్యంతరం లేదు

అనంతపురం: ఆంధ్రప్రదేశ్ పీసీసీ చీఫ్ రఘువీరా రెడ్డి ముఖ్యమంత్రి చంద్రబాబు నాయుడుపై విరుచుకుపడ్డారు. చంద్రబాబు కుమారుడు లోకేష్ రాజ్యాంగేతర శక్తిగా వ్యవహరిస్తున్నారని విమర్శించారు. కుప్పంలో జరిగిన ప్రభుత్వ కార్యక్రమంలో లోకేష్ ఎలా పాల్గొంటారని రఘువీరా ప్రశ్నించారు. లోకేష్కు మంత్రి పదవి ఇచ్చినా తమకు అభ్యంతరం లేదని అన్నారు. చంద్రబాబు కూడా ఒకప్పడు రాజ్యాంగేతర శక్తిగానే టీడీపీలో రాజకీయాలు నడిపారని ఆరోపించారు.

కాంగ్రెస్ హయాంలో మేఘమథనంలో అవినీతి జరిగిందని ఆరోపించిన చంద్రబాబు సీబీఐ విచారణ జరిపించాలని రఘువీరా డిమాండ్ చేశారు. చంద్రబాబు మాదిరిగా తాను కోర్టుకు వెళ్లి స్టే తెచ్చుకోనని స్పష్టం చేశారు. చంద్రబాబు ముఖ్యమంత్రి అయ్యాక 12 లక్షల పెన్షన్లను తొలగించారని రఘువీరా రెడ్డి ఆరోపించారు.