TV
అలరించిన ఊటీ రోజ్‌ షో
సేలం: నీలగిరి జిల్లాలోని ఊటీ రోస్‌ గార్డెన్‌లో శనివారం 20వ రోస్‌ షోను ప్రభుత్వ చీఫ్‌ విప్‌ కె.రామచంద్రన్‌ ప్రారంభించారు. ఈ వేడుకకు ఉద్యానవన, కొండ పంటల శాఖ డైరెక్టర్‌ పి.కుమారవేల్‌ పాండియన్‌, జిల్లా కలెక్టర్‌ లక్ష్మీ భవ్య తానియా హాజరయ్యారు. ఈ కార్యక్రమంలో ప్రభుత్వ చీఫ్‌ విప్‌ మాట్లాడుతూ... భారతదేశంలోని అత్యుత్తమ పర్యాటక ప్రదేశాలలో ఒకటైన నీలగిరి జిల్లాలో పర్యాటకాభివృద్ధికి ముఖ్యమంత్రి వివిధ పథకాలను ప్రకటించి అమలు చేశారు. ఆ కోణంలో చూస్తే ఈ సంవత్సరం వేసవి పండుగ చాలా ఘనంగా జరుగుతోందన్నారు. వేసవి ఉత్సవంలో భాగంగా ఈ శతాబ్ధి గులాబీ పుష్ప ప్రదర్శనను పురస్కరించుకుని 1995లో ఉద్యానవన, కొండ పంటల శాఖ స్థాపించిన గవర్నమెంట్‌ రోస్‌ గార్డెన్‌ ఇప్పుడు ప్రపంచ ప్రఖ్యాత గవర్నమెంట్‌ రోస్‌ గార్డెన్‌గా అవతరించింది. ప్రారంభ కాలంలో 1919 గులాబీ రకాలతో దాదాపు 17,256 గులాబీ మొక్కలను మాత్రమే నాటారు. ప్రస్తుతం, ఉద్యానవన శాఖ శ్రద్ధతో భారతదేశం, విదేశాల నుండి అనేక కొత్త రకాలు ప్రవేశపెట్టబడ్డాయని, నేటికి 4,301 రకాలను కలిగి ఉన్న 32,000 గులాబీ మొక్కలు వికసించాయి. ఇందులో అరుదైన రకం ఆకుపచ్చ గులాబీ కూడా ఉంది. ఇంత ప్రత్యేక లక్షణాలను కలిగి ఉన్న గవర్నమెంట్‌ రోజ్‌ గార్డెన్‌ 2006లో జపాన్‌లో ఉన్న వరల్డ్ రోజ్‌ ఫెడరేషన్‌ ద్వారా గార్డెన్‌ ఆఫ్‌ ఎక్సలెన్స్‌ సర్టిఫికెట్‌తో సత్కరించబడింది. ఈ పార్కును చూడడానికి ప్రపంచంలోని వివిధ ప్రాంతాల నుండి పర్యాటకులు వస్తారు. గత సంవత్సరం దాదాపు 7.25 లక్షల మంది పర్యాటకులు సందర్శించారు. 20వ రోజ్‌ పరేడ్‌ సముద్ర జీవుల రక్షణను కేంద్ర ఇతివృత్తంగా రూపొందించారు. ఈ ప్రదర్శనలో ముఖ్యాంశం 80,000 వేల గులాబీలతో తయారు చేసిన 22 అడుగుల పొడవైన డాల్ఫిన్‌ శిల్పం. వీటితో పాటు, ఆలివ్‌ రిడ్లీ, తాబేలు, పెంగ్విన్‌, సముద్ర గుర్రం, స్టార్‌ ఫిష్‌ వంటి ఇతర అరుదైన సముద్ర జీవులను, పిల్లలను ఆకర్షించడానికి, మత్స్యకన్యలు, క్లౌన్‌ ఫిష్‌, సముద్ర ఆర్చిన్లు వంటి జీవులను సుమారు 1,20,000 విభిన్న రంగుల గులాబీలను ఉపయోగించి సృష్టించారు. గులాబీ ప్రదర్శనను సందర్శించే పర్యాటకులను అలరించడానికి ఇతర జిల్లాల నుండి కూడా మండపాలు ఏర్పాటు చేయబడ్డాయి. 20వ ఊటీ గులాబీ ప్రదర్శనలో మీరు గులాబీల అలంకరణలు, పార్కులో వికసించే రంగురంగుల గులాబీలను పర్యాటకులు ఆస్వాధించారు. ముఖ్యమంత్రి ఆదేశాల మేరకు, జిల్లాలో వివిధ అభివృద్ధి ప్రాజెక్టులు జరుగుతున్నాయి, వాటిలో నీలగిరి జిల్లా గూడలూరు తాలూకాలో జీన్‌ పార్క్‌ అభివృద్ధి, ఊటీ తాలూకాలోని ఊటీ సరస్సు చుట్టూ ఫుట్‌పాత్‌ల పునరుద్ధరణ, కోడప్పమందు కాలువ పునరుద్ధరణ రూ.3 కోట్లతో, బైకారా బోట్‌ హౌస్‌ రోడ్డు పునరుద్ధరణకు రూ.3 కోట్లతో నిర్మించనున్నామని, కూనూరు తాలూకాలో మల్టీ లెవల్‌ కార్‌ పార్కింగ్‌, బస్టాండ్‌ విస్తరణ, కోటగిరి తాలూకాలోని కన్నెరిముక్కు ప్రాంతంలో కొత్త ఉద్యానవనం, సుల్లికుడు సమీపంలో అడ్వెంచర్‌ పార్క్‌ నిర్మించనున్నామని ప్రభుత్వ చీఫ్‌ విప్‌ తెలిపారు.
అలరించిన ఊటీ రోజ్‌ షో
అలరించిన ఊటీ రోజ్‌ షో
అలరించిన ఊటీ రోజ్‌ షో
