IPL 2021 MI Vs KKR: కోల్‌కతా ఫటాఫట్‌.. ముంబైపై ఘన విజయం

Kolkata Knight Riders beat Mumbai Indians by 7 wickets - Sakshi

15.1 ఓవర్లలోనే లక్ష్యఛేదన

ఏడు వికెట్ల తేడాతో ముంబై ఇండియన్స్‌పై జయభేరి

వెంకటేశ్‌ అయ్యర్‌ వీరవిహారం

రాహుల్‌ త్రిపాఠి తడాఖా

అబుదాబి: యూఏఈ గడ్డపై గత రెండు రోజులు చప్పగా సాగిన మ్యాచ్‌లకు, బోర్‌ కొట్టిన ప్రేక్షకులకు చక్కటి మెరుపు విందు కోల్‌కతా నైట్‌రైడర్స్‌ ఇచ్చింది. సిక్సర్లు, ఫోర్లతో 150 పైచిలుకు లక్ష్యాన్ని 15.1 ఓవర్లలోనే ముగించేసింది. ఐపీఎల్‌లో గురువారం జరిగిన పోరులో కోల్‌కతా 7 వికెట్ల తేడాతో డిఫెండింగ్‌ చాంపియన్‌ ముంబై ఇండియన్స్‌పై ఘనవిజయం సాధించింది. మొదట బ్యాటింగ్‌కు దిగిన ముంబై ఇండియన్స్‌ నిరీ్ణత 20 ఓవర్లలో 6 వికెట్ల నష్టానికి 155 పరుగులు చేసింది.

ఓపెనర్‌ డికాక్‌ (42 బంతుల్లో 55; 4 ఫోర్లు, 3 సిక్స్‌లు) అర్ధసెంచరీ సాధించాడు. ఫెర్గూసన్, ప్రసిధ్‌ కృష్ణ చెరో 2 వికెట్లు తీశారు. తర్వాత లక్ష్యఛేదనకు దిగిన కోల్‌కతా నైట్‌రైడర్స్‌ 15.1 ఓవర్లలో 3 వికెట్లకు 159 పరుగులు చేసి గెలిచింది. రాహుల్‌ త్రిపాఠి (42 బంతుల్లో 74 నాటౌట్‌; 8 ఫోర్లు, 3 సిక్స్‌లు), వెంకటేశ్‌ అయ్యర్‌ (30 బంతుల్లో 53; 4 ఫోర్లు, 3 సిక్సర్లు) చెలరేగారు. కోల్‌కతా కోల్పోయిన మూడు వికెట్లు బుమ్రాకే దక్కాయి. ధనాధన్‌ ఇన్నింగ్స్‌ ఆడిన వెంకటేశ్‌ అయ్యర్, రాహుల్‌ త్రిపాఠిలకు కాకుండా రోహిత్‌ శర్మ వికెట్‌ తీసిన స్పిన్నర్‌ సునీల్‌ నరైన్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కడం గమనార్హం.  

ఓపెనింగ్‌ అదిరినా...
కోల్‌కతా జట్టు పార్ట్‌టైమ్‌ ఆఫ్‌ స్పిన్నర్‌ నితీశ్‌ రాణాతో తొలి ఓవర్‌ వేయించి ఆశ్చర్యపరిచింది. ముంబైకి ఓపెనింగ్‌ జోడీ ఇచ్చిన శుభారంభం... వంద స్కోరు దాకా 2 వికెట్లు మాత్రమే కోల్పోయిన వైనం చూస్తే... భారీ స్కోరు తథ్యమనిపించింది. కానీ 150 పరుగుల పైచిలుకు పరుగులతోనే సర్దుకుంది. ఓపెనర్లలో ముందుగా అదరగొట్టింది రోహిత్‌ శర్మే. బౌండరీలతో స్కోరు వేగాన్ని పెంచాడు. కాసేపటికే డికాక్‌ ఈ వేగానికి సిక్సర్లతో మెరుపుల్ని జతచేశాడు. ఫెర్గూసన్‌ బౌలింగ్‌లో ఒకటి, ప్రసిధ్‌ కృష్ణ ఓవర్లో రెండు సిక్సర్లు బాదేయడంతో పవర్‌ ప్లేలో ముంబై 56/0 స్కోరు చేసింది.

తర్వాత రసెల్‌ను బౌలింగ్‌కు దించినా డికాక్‌ వరుస బౌండరీలతో తన జోరు చూపాడు. కానీ తర్వాతి పదో ఓవర్లో నరైన్‌... రోహిత్‌ శర్మ (30 బంతుల్లో 33; 4 ఫోర్లు)ను ఔట్‌ చేసి 78 పరుగుల ఓపెనింగ్‌ భాగస్వామ్యానికి తెరదించాడు. సూర్యకుమార్‌ (5)ను ప్రసిధ్‌ కృష్ణ పెవిలియన్‌ చేర్చాడు. ఈ దశలో డికాక్‌ క్రీజులో ఉన్నా... ఇషాన్‌ కిషన్‌ (14; 1 సిక్స్‌) లాంటి హిట్టర్‌ జతయినా ముంబై స్కోరు మందగించింది. డికాక్‌ 37 బంతుల్లో ఫిఫ్టీ (3 ఫోర్లు, 3 సిక్స్‌లు) పూర్తి చేసుకున్న కాసేపటికే పెవిలియన్‌ బాటపట్టాడు. పొలార్డ్‌ (15 బంతుల్లో 21; 2 ఫోర్లు, 1 సిక్స్‌), కృనాల్‌ (12) వారి శైలికి తగ్గట్లు ధాటిగా ఆడలేకపోయారు.

సిక్సర్లతో షురూ...
ఆట మొదలైందో లేదో చకచకా బాదేసే పనిలో పడ్డారు కోల్‌కతా ఓపెనర్లు. బౌల్ట్‌ లాంటి మేటి బౌలర్‌ వేసిన తొలి ఓవర్‌ రెండో బంతిని శుబ్‌మన్‌ గిల్‌ (13), నాలుగో బంతిని వెంకటేశ్‌ అయ్యర్‌ సిక్సర్లుగా బాదారు. తర్వాత మిల్నేకు 6, 4, 4లతో అయ్యర్‌ తన తడాఖా చూపెట్టాడు. 2 ఓవర్లకే నైట్‌రైడర్స్‌ స్కోరు 30/0. బుమ్రా వేసిన మూడో ఓవర్‌లో ఇద్దరు చెరో బౌండరీ కొట్టారు. కానీ బుమ్రా... గిల్‌ను బోల్తా కొట్టించాడు. తొలి 3 ఓవర్లలోనే 40 పరుగులు రావడంతో తర్వాత కాస్త నింపాదిగా ఆడినాసరే జట్టు రన్‌రేట్‌ లక్ష్యాన్ని కరిగించే వరకు పది పరుగులకు దిగనేలేదు.

అయ్యర్‌ తన ధాటిని కొనసాగించాడు. రాహుల్‌ త్రిపాఠి ముందు జాగ్రత్త పడ్డాడు... తర్వాత ప్రత్యర్థి బౌలర్లపై విరుచుకుపడ్డాడు. దీంతో ఇన్నింగ్స్‌ పదో ఓవర్లో జట్టు స్కోరు 100 దాటింది. 11వ ఓవర్లో అయ్యర్‌ 25 బంతుల్లో (4 ఫోర్లు, 3 సిక్స్‌లు), 12వ ఓవర్లో త్రిపాఠి 29 బంతుల్లో (5 ఫోర్లు, 2 సిక్స్‌లు) అర్ధసెంచరీలను ధనాధన్‌గా అధిగమించారు.  అయ్యర్‌ ఔటైనా త్రిపాఠి నిలబడి మిగతా లాంఛనాన్ని 15.1 ఓవర్లలోనే పూర్తి చేశాడు.  

స్కోరు వివరాలు
ముంబై ఇండియన్స్‌ ఇన్నింగ్స్‌: రోహిత్‌ శర్మ (సి) శుబ్‌మన్‌ గిల్‌ (బి) నరైన్‌ 33; డికాక్‌ (సి) నరైన్‌ (బి) ప్రసిధ్‌ కృష్ణ 55; సూర్యకుమార్‌ (సి) దినేశ్‌ కార్తీక్‌ (బి) ప్రసిధ్‌ కృష్న 5; ఇషాన్‌ కిషన్‌ (సి) రసెల్‌ (బి) ఫెర్గూసన్‌ 14; పొలార్డ్‌ (రనౌట్‌) 21; కృనాల్‌ (సి) వెంకటేశ్‌ (బి) ఫెర్గూసన్‌ 12; సౌరభ్‌ తివారీ (నాటౌట్‌) 5; మిల్నే (నాటౌట్‌) 1; ఎక్స్‌ట్రాలు 9; మొత్తం (20 ఓవర్లలో 6 వికెట్లకు) 155.
వికెట్ల పతనం: 1–78, 2–89, 3–106, 4–119, 5–149, 6–149.
బౌలింగ్‌: నితీశ్‌ రాణా 1–0–5–0, వరుణ్‌ చక్రవర్తి 4–0–22–0, సునీల్‌ నరైన్‌ 4–0–20–1, ఫెర్గూసన్‌ 4–0–27–2,
ప్రసిధ్‌ కృష్ణ 4–0–43–2, రసెల్‌ 3–0–37–0.

కోల్‌కతా నైట్‌రైడర్స్‌ ఇన్నింగ్స్‌: శుబ్‌మన్‌ గిల్‌ (బి) బుమ్రా 13; వెంకటేశ్‌ అయ్యర్‌ (బి) బుమ్రా 53; రాహుల్‌ త్రిపాఠి (నాటౌట్‌) 74; మోర్గాన్‌ (సి) బౌల్ట్‌ (బి) బుమ్రా 7; నితీశ్‌ రాణా (నాటౌట్‌) 5; ఎక్స్‌ట్రాలు 7; మొత్తం (15.1 ఓవర్లలో 3 వికెట్లకు) 159.
వికెట్ల పతనం: 1–40, 2–128, 3–147.
బౌలింగ్‌: బౌల్ట్‌ 2–0–23–0, మిల్నే 3–0–29–0, బుమ్రా 4–0–43–3, కృనాల్‌ 3–0–25–0, రాహుల్‌ చహర్‌ 3–0–34–0, రోహిత్‌ శర్మ 0.1–0–4–0.  

 

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

23-09-2021
Sep 23, 2021, 23:06 IST
ముంబైపై 7 వికెట్ల తేడాతో కేకేఆర్‌ ఘన విజయం ఐపీఎల్‌ 2021 సెకండ్‌ ఫేజ్‌లో కేకేఆర్‌ మరో విజయాన్ని అందుకుంది. ముంబై...
23-09-2021
Sep 23, 2021, 20:08 IST
Rohit Sharma Reach 1000 Runs Vs KKR.. కేకేఆర్‌తో జరుగుతున్న మ్యాచ్‌లో రోహిత్‌ శర్మ అరుదైన ఘనత అందుకున్నాడు....
23-09-2021
Sep 23, 2021, 17:59 IST
Kohli Could Be Removed From RCB Captaincy: ‘‘ఐపీఎల్‌-2021 రెండో అంచె మధ్యలోనే రాయల్‌ చాలెంజర్స్‌ బెంగళూరు కెప్టెన్సీ నుంచి...
23-09-2021
Sep 23, 2021, 16:52 IST
నోర్జ్టే నిన్నటి మ్యాచ్‌లో బౌలింగ్‌ చేసిన ప్రతీసారి 140 కిమీ కంటే ఎక్కువ వేగంతో బంతులు విసరడం విశేషం..
23-09-2021
Sep 23, 2021, 13:42 IST
Kane Williamson Taken Wonderful Catch: దుబాయ్‌ వేదికగా ఢిల్లీ క్యాపిటల్స్‌తో  బుధవారం జరిగిన మ్యాచ్‌లో సన్‌రైజర్స్‌ఓటమి చెందినప్పటికీ.. ఆ జట్టు...
23-09-2021
Sep 23, 2021, 13:05 IST
Shreyas Iyer: 4 వేల పరుగుల మైలురాయిని చేరుకున్న అయ్యర్‌.. ఈ ఇన్నింగ్స్‌ సంతృప్తినివ్వలేదు
23-09-2021
Sep 23, 2021, 12:41 IST
Gautam Gambhir Comments On Ashwin: ఐపీఎల్‌ ఫేజ్‌2లో భాగంగా సన్‌రైజర్స్‌ హైదరాబాద్‌తో  బుధవారం జరిగిన మ్యాచ్‌లో ఢిల్లీ క్యాపిటల్స్ 8...
23-09-2021
Sep 23, 2021, 12:39 IST
McCullums 158 Run Knock In First Ever IPL Match క్యాష్‌ రిచ్‌ లీగ్‌గా గుర్తింపు పొందిన ఇండియన్‌ ప్రీమియర్‌...
23-09-2021
Sep 23, 2021, 11:46 IST
mi vs kkr: కేకేఆర్‌తో మ్యాచ్‌ అంత ఈజీ కాదన్న ముంబై కెప్టెన్‌ రోహిత్‌ శర్మ
23-09-2021
Sep 23, 2021, 11:09 IST
8 వికెట్ల తేడాతో ఢిల్లీ ఘనవిజయం.. దుబాయ్‌ వేదికగా సన్‌రైజర్స్‌ హైదరాబాద్‌తో జరిగిన మ్యాచ్‌లో ఢిల్లీ క్యాపిటల్స్‌ 8 వికెట్ల తేడాతో...
23-09-2021
Sep 23, 2021, 10:52 IST
Kevin Pietersen Comments On David Warner:  ఐపీఎల్‌ ఫేజ్‌2లో భాగంగా  ఢిల్లీ క్యాపిటల్స్ తో బుధవారం జరిగిన మ్యాచ్‌లో సన్‌రైజర్స్‌...
23-09-2021
Sep 23, 2021, 05:30 IST
తీరు మార్చుకోని సన్‌రైజర్స్‌ ఐపీఎల్‌లో ఇక ముందుకు వెళ్లే అవకాశం లేదు. దేశం మారినా ఈ ఫ్రాంచైజీ దశ మారట్లేదు. ...
22-09-2021
Sep 22, 2021, 21:40 IST
Shimron Hetmyer New Hairstyle.. ఢిల్లీ క్యాపిటల్స్‌ ఆటగాడు షిమ్రోన్‌ హెట్‌మైర్‌ న్యూ హెయిర్‌ స్టైల్‌ లుక్‌లో అదరగొట్టాడు. అతని...
22-09-2021
Sep 22, 2021, 20:13 IST
Deepak Hooda In Match Fixing Scanner: ఐపీఎల్‌-2021 సెకెండ్‌ ఫేస్‌లో భాగంగా నిన్న(సెప్టెంబర్‌ 21) పంజాబ్‌ కింగ్స్‌తో జరిగిన...
22-09-2021
Sep 22, 2021, 20:00 IST
David Warner Duck Out IPL.. దుబాయ్‌ వేదికగా ఢిల్లీ క్యాపిటల్స్‌తో జరుగుతున్న మ్యాచ్‌లో సన్‌రైజర్స్‌ హైదరాబాద్‌ ఓపెనర్‌ డేవిడ్‌ వార్నర్‌...
22-09-2021
Sep 22, 2021, 19:01 IST
Michael Vaughan Comments On Natarajan Tests Covid Positive: ఐపీఎల్‌ 2021 ఫేజ్‌2లో  భాగంగా సన్‌రైజర్స్‌ హైదరాబాద్‌తో ఢిల్లీ క్యాపిటల్స్‌ నేడు...
22-09-2021
Sep 22, 2021, 17:28 IST
Sunil Gavaskar Suggestion To Sanju Samson.. రాజస్తాన్‌ రాయల్స్‌ కెప్టెన్‌ సంజూ శాంసన్‌పై టీమిండియా మాజీ క్రికెటర్‌ సునీల్‌ గావస్కర్‌...
22-09-2021
Sep 22, 2021, 17:25 IST
కోహ్లి చెత్త ప్రదర్శన ఇలాగే కొనసాగితే.. అతను తప్పుకోవడం కాదు.. జట్టు యాజమాన్యమే అతన్ని తప్పించే ఆస్కారముంది
22-09-2021
Sep 22, 2021, 17:09 IST
IPL 2021 Phase 2 SRH Vs DC: ఐపీఎల్‌-2021 సీజన్‌ రెండో అంచెలో మరో ఆసక్తికర పోరుకు రంగం...
22-09-2021
Sep 22, 2021, 17:02 IST
Aakash Chopra Predicts Who Win The DCvsSRH Match:  ఐపీఎల్‌ ఫేజ్‌2లో భాగంగా సన్‌రైజర్స్ హైదరాబాద్‌తో ఢిల్లీ క్యాపిటల్స్‌ నేడు...



 

Read also in:
Back to Top