ఆమనగల్లు మున్సిపల్‌ కమిషనర్‌ బదిలీ

ఆమనగల్లు మున్సిపల్‌ కమిషనర్‌ బదిలీ ఆమనగల్లు: స్థానిక మున్సిపల్‌ కమిషనర్‌ శంకర్‌ నాయక్‌ బదిలీ అయ్యారు. ఈ మేరకు మున్సిపల్‌ అడ్మినిస్ట్రేషన్‌ శాఖ నుంచి గురువారం ఉత్తర్వులు వెలువడ్డాయి. ఆయన్ని సీఅండ్‌ డీఎంఏ కార్యాలయంలో రిపోర్టు చేయాల్సిందిగా సూచించారు. అలాగే పోస్టింగ్‌ కోసం ఎదురుచూస్తున్న ఎస్‌.రాఘవేందర్‌రెడ్డిని ఆమనగల్లు మున్సిపల్‌ కమిషనర్‌గా నియమించారు. 24న దివ్యాంగుల జిల్లా సదస్సు ఇబ్రహీంపట్నం: దివ్యాంగుల చట్టాలు, సంక్షేమ పథకాలపై మే 24న ఇబ్రహీంపట్నంలో జిల్లా సదస్సు నిర్వహిస్తున్నట్లు ఎన్‌పీఆర్డీ రాష్ట్ర ప్రధాన కార్యదర్శి ఎం.అడివయ్య తెలిపారు. ఇబ్రహీంపట్నంలోని మార్కెట్‌ యార్డులో గురువారం దివ్యాంగుల హక్కుల జాతీయ వేదిక నియోజకవర్గ సమావేశం నిర్వహించారు. ఈ సందర్భంగా ఆయన మాట్లాడుతూ.. మే 1 నుంచి 10వ తేదీ వరకు దివ్యాంగుల సామాజిక, ఆర్థిక స్థితిగతులపై అధ్యయనం చేయనున్నట్లు చెప్పారు. 24న నిర్వహించే సదస్సులో దివ్యాంగుల సమస్యలపై చర్చించి భవిష్యత్తు ప్రణాళిక రూపొందించనున్నట్లు వివరించారు. కార్యక్రమంలో ఆ సంఘం నాయకులు జెర్కొని రాజు, ప్రమోద్‌కుమార్‌, పాండు రంగారెడ్డి, విజయ్‌, ఎల్లయ్య, రమేష్‌ తదితరులు పాల్గొన్నారు. నూతన నియామకం కడ్తాల్‌: బీసీ సంక్షేమ సంఘం రాష్ట్ర ప్రధాన కార్యదర్శిగా మండల పరిధిలోని కర్కల్‌పహాడ్‌ గ్రామానికి చెందిన మాజీ ఎంపీపీ ఎగిరిశెట్టి వీ రయ్య నియమితులయ్యారు. ఈ మేరకు గురువారం హైదరాబాద్‌లోని విద్యానగర్‌ బీసీ భవన్‌లో నిర్వహించిన ఓ కార్యక్రమంలో బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్‌.కృష్ణయ్య చేతుల మీదుగా నియా మక పత్రం అందుకున్నారు. బీసీ హక్కుల కోసం, బీసీల జనాభా దామాషా ప్రకా రం రావాల్సిన రిజర్వేషన్‌ల కోసం, బీసీల రాజ్యాధికారం కోసం పనిచేయాలని కృష్ణయ్య సూచించినట్లు వీరయ్య తెలిపారు. వీరయ్య నియామంకపై బీసీ నాయకులు దోనాదుల మహేశ్‌తో పాటు పలువురు హర్షం వ్యక్తం చేశారు. జిల్లా వైద్యుల సంఘం అధ్యక్షుడిగా డాక్టర్‌ సుధాకర్‌ 11న మెగా జాబ్‌ మేళా