ఇంటర్వ్యూలకు 169మంది హాజరు

ఇంటర్వ్యూలకు 169మంది హాజరు నరసరావుపేట: మూడు చక్రాల స్కూటీల కోసం ఽఆన్‌లైన్‌లో దరఖాస్తు చేసుకున్న విభిన్న ప్రతిభావంతులకు శుక్రవారం కలెక్టర్‌ కార్యాలయంలో ఇంటర్వ్యూలు నిర్వహించారు. జాయింట్‌ కలెక్టర్‌ సంజనా సింహ పర్యవేక్షణలో నిర్వహించిన శిబిరానికి సత్తెనపల్లి, పెదకూరపాడు, చిలకలూరిపేట, నరసరావుపేట నియోజకవర్గాలకు చెందిన 169మంది హాజరయ్యారు. హాజరైన వారికి మాజీ మున్సిపల్‌ చైర్మన్‌ నాగసరపు సుబ్బరాయగుప్తా భోజన సదుపాయాలు కల్పించారు. శిశు గృహం సంరక్షణలో చిన్నారి నరసరావుపేట రూరల్‌: కోటప్పకొండలోని తోడు–నీడ వృద్ధాశ్రమం సమీపంలో మూడు సంవత్సరాల చిన్నారిని గుర్తించి నరసరావుపేట శిశు గృహంలో ఉంచినట్టు జిల్లా బాలల పరిరక్షణ అధికారి డి.శౌరిరాజు తెలిపారు. ఈనెల 4వ తేదీ పాపను స్థానికులు గుర్తించి సమాచారం ఇవ్వడంతో నరసరావుపేట రూరల్‌ పోలీసుల ద్వారా జిల్లా బాలల పరిరక్షణ విభాగం సంరక్షణలోకి తీసుకున్నట్టు వివరించారు. అనంతరం చిన్నారికి ఏరియా ఆసుపత్రిలో వైద్య పరీక్షలు నిర్వహించి గుంటూరు బాలల సంక్షేమ సమితి ఎదుట వర్చువల్‌ విధానంలో హాజరుపర్చినట్టు తెలిపారు. వారి ఆదేశాల మేరకు నరసరావుపేటలోని శిశు గృహంలో ఉంచినట్టు పేర్కొన్నారు. చిన్నారికి సంబంధించిన తల్లిదండ్రులు, కుటుంబసభ్యులు, బంధువులు తగిన ఆధారాలతో జిల్లా బాలల పరిరక్షణ అధికారి డి.శౌరిరాజు(8919164537)ను సంప్రదించాలని కోరారు. ముగ్గురు అరెస్టు రెంటచింతల: క్రికెట్‌ బెట్టింగ్‌కు పాల్పడుతున్న ముగ్గురు యువకులను రెంటచింతల పోలీసులు గురువారం రాత్రి అదుపులోకి తీసుకున్నారు. పోలీసులకు అందిన సమాచారం మేరకు దాడి చేసి యువకులను అదుపులోకి తీసుకున్నారు. వారి నుంచి పూర్తి సమాచారం సేకరిస్తున్నారు. బస్సు ఢీకొని ఏఎన్‌యూ ఉద్యోగి మృతి