దుర్గమ్మకు పలువురి విరాళాలు

దుర్గమ్మకు పలువురి విరాళాలు ఇంద్రకీలాద్రి(విజయవాడపవ్చిమ): ఇంద్రకీలాద్రిపై కొలువై ఉన్న దుర్గమ్మకు ఆదివారం పెద్ద ఎత్తున భక్తులు విరాళాలు సమర్పించారు. అమ్మవారి సన్నిధిలో జరుగుతున్న నిత్యాన్నదానానికి నలుగురు భక్తుల కుటుంబాలు విరాళాలను అందజేశాయి. విజయ వాడ బ్రాహ్మణ వీధికి చెందిన డి.శ్రీనివాస రావు కుటుంబ సభ్యులు రూ.1,00,116, గాయత్రీనగర్‌కు చెందిన నాగరం లక్ష్మీప్రసన్న కుటుంబ సభ్యులు ఆలపాటి శ్రీకాంత్‌, పార్థ సారథి పేరిట రూ.1,00,001 విరాళాన్ని ఆలయ అధికారులకు అంజేశారు. గుంటూరు జిల్లా తెనాలి గాంధీనగర్‌ ప్రాంతానికి చెందిన కె.మాధవరావు కుటుంబం కె.రిత్విక్‌ పేరిట రూ.1,00,116, విశాఖపట్నానికి చెందిన సీహెచ్‌.దుర్గాప్రసాద్‌ రూ.1,00,001 విరాళం అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. ప్రత్యేక పూజలు జరిపించుకున్న అనంతరం దాతలను వేద పండితులు ఆశీర్వదించారు. అనంతరం ఆలయ ఏఈఓ వెంకటరెడ్డి, ఆలయ పర్యవేక్షకుడు దాతలకు అమ్మవారి చిత్రపటం, ప్రసాదాలు, శేషవస్త్రాలను అందజేశారు. వీనుల విందుగా అన్నమయ్య జయంతి