Delhi Chalo: తెరుచుకున్న ఢిల్లీ- హర్యానా సరిహద్దులు.. ట్రాఫిక్‌కు ఊరట

Delhi Haryana Boarders Reopened As delhi chalo took brake - Sakshi

న్యూఢిల్లీ: ‘ఢిల్లీ ఛలో’ మార్చ్‌ నిరసన ర్యాలీకి రైతు సంఘాలు తాత్కాలిక విరామం ప్రకటించడంతో ఢిల్లీలో ట్రాఫిక్‌కు కొంత ఊరట కలుగుతోంది. పంటలకు కనీస మద్దతు ధర డిమాండ్‌ చేస్తూ రైతులు రెండోవిడత చేపట్టిన ఢిల్లీ ఛలోకు ఈ నెల 29 దాకా బ్రేక్‌ ఇచ్చారు. ఈలోగా కేంద్రం స్పష్టమైన ప్రకటన చేయాలని వారు డిమాండ్‌ చేస్తున్నారు.

ఈ నేపథ్యంలో పోలీసులు సోమవారం ఢిల్లీ, హర్యానాల మధ్య సింగు, టిక్రీ సరిహద్దులను తెరిచారు. రైతుల ఢిల్లీ ఛలో మార్చ్‌ను అడ్డుకునేందుకుగాను ఈ సరిహద్దులను రెండు వారాల క్రితం పోలీసులు మూసివేశారు. అయితే వీటిని ప్రస్తుతం తెరిచినప్పటికీ రెండు సరిహద్దుల వద్ద భారీగా మోహరించిన పారామిలిటరీ బలగాలను మాత్రం అలాగే కొనసాగిస్తున్నారు.

ఈ సరిహద్దులు తెరవడం వల్ల వాహనదారులకు చాలావరకు ట్రాఫిక్‌ ఇబ్బందులు తగ్గుతాయని పోలీసులు తెలిపారు. కాగా, సోమవారం నోయిడా-ఢిల్లీ ఎక్స్‌ప్రెస్‌ వేపై రైతులు ట్రాక్టర్‌ మార్చ్‌ నిర్వహించడంతో పాటు శాంతియుతంగా ధర్నా చేశారు.

ఇదీ చదవండి.. మేమొస్తే అగ్నిపథ్‌ రద్దు

whatsapp channel

Read latest National News and Telugu News | Follow us on FaceBook, Twitter, Telegram


 

Read also in:
Back to Top