ముగిసిన ఆర్టీసీ కానిస్టేబుళ్ల శిక్షణ

ముగిసిన ఆర్టీసీ కానిస్టేబుళ్ల శిక్షణ

మంచిర్యాలరూరల్‌(హాజీపూర్‌): గుడిపేట 13వ ప్రత్యేక పోలీస్‌ బెటాలియన్‌లో గత నెల 18న ప్రారంభమైన ఆర్టీసీ కానిస్టేబుళ్ల శిక్షణ బుధవారం ముగిసింది. బెటాలియన్‌ కమాండెంట్‌ పి.వెంకటరాములు పర్యవేక్షణలో 51వ తెలంగాణ ఆర్టీసీ కానిస్టేబుళ్ల వార్షిక రిఫ్రెషర్‌ కోర్సు సాగింది. చట్టం, డ్రిల్‌, క్రమశిక్షణ, భద్ర త తదితర అంశాలపై శిక్షణ ఇచ్చారు. అనంతరం ఆయన మాట్లాడుతూ ఆర్టీసీ కానిస్టేబుళ్లు కూడా ప్రతీ రోజు డ్రిల్‌, క్రమశిక్షణతో ఉద్యోగం చేస్తూ సంస్థకు మంచి పేరు తీసుకు రావాలని సూచించారు. అసిస్టెంట్‌ కమాండెంట్‌ బాలయ్య, ఆర్‌ఐ భాస్కర్‌, బెటాలియన్‌ అధికారులు, శిక్షణ కానిస్టేబుళ్లు పాల్గొన్నారు.