కూరగాయల ధరలకు మోంథా రెక్కలు!

కూరగాయల ధరలకు మోంథా రెక్కలు!

● ఒకే రోజు సెంచరీకి చేరువ

చేసిన వ్యాపారులు

● వినియోగదారుల

జేబుకు చిల్లు

ఆలమూరు: మోంథా తుపాను ప్రభావంతో కూరగాయల ధరలకు రెక్కలు వచ్చాయి. వ్యాపారులు ఒకరోజు వ్యవధిలోనే రెండు నుంచి మూడు రెట్లు ధరలు పెంచేయడంపై వినియోగదారులు తీవ్ర ఆసంతృప్తిని, ఆగ్రహాన్ని వ్యక్తం చేస్తున్నారు. ఒక పక్క తుపాను ప్రభావం, మరోపక్క కూరగాయ ధరలకు రెక్కలు రావడంతో సగటు జీవి జీవనం సాగించడం పెనుభారంగా మారింది. ఇప్పటి వరకూ కిలో రూ.30 లోపు ఉన్న కూరగాయాల ధరలు సోమవారం సెంచరీకి చేరుకున్నాయి. కూరగాయ ధరలు అంతగా పెంచినా రైతుకు మాత్రం హోల్‌సేల్‌ మార్కెట్‌లో ఏవిధమైన గిట్టుబాటు ధర లభించడం లేదు. రిటైల్‌ మార్కెట్‌లో దళారులు, హోల్‌సేల్‌, రిటైల్‌ వ్యాపారులకు ఈ మొంథా తుపాను వరంగా మారింది. కూరగాయల ధరల మాదిరిగానే తోటకూర, గోంగూర, పాలకూర, చుక్కకూర, మెంతికూర తదితర ఆకుకూరల ధరలను వ్యాపారులు ఇష్టారాజ్యంగా పెంచేశారు. కృత్రిమ ఽకొరతను, ధరలను నియంత్రించవలసిన అధికారులు చర్యలు తీసుకోకపోవడంపై సర్వత్రా విమర్శలు వ్యక్తమవుతున్నాయి. జిల్లాలోని రైతుబజార్లలో పట్టిక మీద ఉన్న ధరలకు వ్యాపారుల విక్రయించే ధరలకు పొంతన లేదని వినియోగదారులు గగ్గోలు పెడుతున్నారు.

కూరగాయలు రిటైల్‌ రిటైల్‌

మార్కెట్‌ మార్కెట్‌

పాతధర ప్రస్తుత ధర

కేజీ కేజీ

(రూ.లలో) (రూ.లలో)

ఉల్లి 20 30

మిరపకాయ 40 60

అల్లం 100 150

బంగాళాదుంప 30 60

వంకాయ 40 100

బెండకాయ 50 90

బీట్‌ రూట్‌ 30 60

కాలీఫ్లవర్‌ 20 50

చిక్కుడు 100 120

అరటి కాయ 10 20

దొండకాయ 50 80

టమోటా 30 60

బీరకాయ 60 100

గోరుచిక్కుళ్లు 50 80

ఆనపకాయ 10 25

కాకరకాయ 40 70

కంద 45 70

పెండ్లం 60 90

బీన్స్‌ 60 90

కీర దోస 30 60

క్యాబేజీ 40 85

ములక్కాడ 08 20

కొత్తిమీర 90 150