StartIsBack Start Menu: విండోస్‌ వెర్షన్‌ కొత్త అప్‌డేట్‌ కోసం యూజర్లు ఆత్రుతగా ఎదురుచూస్తున్నారు. అక్టోబరు 5 నుంచి విండోస్‌-11ను యూజర్స్‌కి అందుబాటులోకి తీసుకురానున్నట్లు మైక్రోసాఫ్ట్ కంపెనీ ఇదివరకే ప్రకటించింది కూడా. ఆండ్రాయిడ్ యాప్స్‌ సపోర్ట్‌ అందించడంతో పాటు విండోస్‌ 11లో స్టార్ట్ మెనూను ఎడమవైపు నుంచి మధ్యలోకి తీసుకొస్తున్నట్లు అనౌన్స్‌ చేసింది. దీంతో మరికొన్ని కంపెనీలు కూడా ఈ కొత్తతరహాలోనే స్టార్‌ మెనూలను రిలీజ్‌ చేస్తున్నాయి.   కొద్దిరోజుల క్రితం స్టార్‌డాక్‌ కంపెనీ ‘స్టార్ట్‌11’ అనే కొత్త స్టార్ట్ మెనూని రూపొందించినట్లు వెల్లడించింది. తాజాగా ‘స్టార్ట్‌ ఈజ్‌ బ్యాక్‌’ కూడా అల్టర్‌నేట్‌ స్టార్ట్ మెనూని రూపొందించినట్లు వెల్లడించింది. దీంతో వీటిల్లోని ఫీచర్స్‌ గురించి నెటిజన్లలో చర్చ మొదలైంది. స్టార్ట్‌ ఈజ్‌ బ్యాక్‌ స్టార్ట్ మెనూని విండోస్ 11 యూజర్స్ ఎవరైనా ప్రయత్నించొచ్చు. ఇందులో కూడా విండోస్‌ స్టార్ట్‌ మెనూలో మాదిరే అన్ని రకాలా ఫీచర్స్‌ ఉంటాయి. అచ్చం విండోస్‌ 7లోని స్టార్ట్ మెనూలానే పనిచేస్తుంది. అలానే యూజర్స్‌ తమకి నచ్చినట్లుగా ఈ మెనూలో మార్పులు చేసుకోవచ్చు. స్టార్‌డాక్‌ స్టార్ట్‌ మెనూ కండిషన్‌ అప్లై విండోస్‌ 11లో మాదిరిగా స్టార్ట్‌ ఈజ్‌ బ్యాక్‌ మెనూ బార్‌ను స్క్రీన్‌ మధ్యలో పెట్టుకోవచ్చు. ఇది కస్టమ్‌ టెక్చర్స్‌, ట్రాన్స్‌పరెన్సీ సెట్టింగ్స్‌, బ్లర్ ఎఫెక్ట్స్‌ను సపోర్ట్ చేస్తుంది. విండోస్‌ 11లోని స్టార్ట్ మెనూ, టాస్క్‌బార్‌లతో పోలిస్తే స్టార్ట్‌ ఈజ్‌ బ్యాక్‌ స్టార్ట్ మెనూ సిస్టం తక్కువ రీసోర్సులను ఉపయోగించుకుంటుంది. ప్రస్తుతం ఈ స్టార్ట్ మెనూ బీటా వెర్షన్‌లో అందుబాటులో ఉంది. నవంబరు వరకు దీన్ని యూజర్స్ ఎవరైనా ఉచితంగా ప్రయత్నించొచ్చు. తర్వాత ఈ మెనూను ఉపయోగించుకోవాలంటే మాత్రం లైసెన్స్ కొనుగోలు చేయాల్సిందే. స్టార్ట్‌ ఈజ్‌ బ్యాక్‌ స్టార్ట్‌ మెనూ స్టార్ట్‌ ఈజ్‌ బ్యాక్‌ స్టార్ట్ మెనూ అక్టోబరు 5 తర్వాత విండోస్‌ 11 ఉపయోగించబోయే యూజర్స్‌కి మాత్రమే!. కొసమెరుపు ఏంటంటే.. విండోస్‌ 11, ఆ తర్వాత వస్తున్న మెనూ మార్పుపై చాలామంది పెదవి విరుస్తున్నారు. చాలా ఎబ్బెట్టుగా ఉందంటూ కామెంట్లు చేస్తున్నారు. నెగెటివ్‌ ఫీడ్‌బ్యాక్‌లతో రివ్యూలను(గెస్ట్‌ ఫీచర్‌) నింపేస్తున్నారు. చదవండి: ఇంటర్నెట్‌ లేకున్నా.. ఏటీఎం కార్డు వాడండిలా


 మైక్రోసాప్ట్ విండోస్‌ ఆపరేటింగ్‌ సిస్టమ్‌లో కొత్త వెర్షన్‌కు రంగం సిద్ధమవుతోంది. ప్రస్తుతం విండోస్‌లో ఉన్న లేటెస్ట్‌ వెర్షన్‌ 8.1. దీనిని అప్‌గ్రేడ్‌ చేసి విండోస్‌ 9 పేరుతో మైక్రోసాప్ట్ విడుదల చేసేందుకు రంగం సిద్ధం చేస్తోందని వార్తలు వస్తున్నాయి. కొత్తగా విడుదల చేయనున్న వెర్షన్‌ విండోస్‌ 9 పేరు పెడుతుందా? లేక విండోస్‌ 8.5 గానీ ఇంకా మరేదైనా వేరే పేరు  పెడుతుందా? అనే దానిపై మైక్రోసాప్ట్  నుంచి ఇంకా స్పష్టత రాలేదు.
 
  కొత్త విండోస్‌లో చాలా మార్పులు ఉంటాయని ఆన్‌లైన్‌లో పలు రకాల అంచనాలు వస్తున్నాయి. వీటిలో ముఖ్యమైన వాటిని పరిశీలిస్తే స్టార్ట్‌ మెనులో  ప్రత్యేకత ఉంటుందని భావిస్తున్నారు. విండోస్‌ ప్రత్యేకతే స్టార్ట్‌ మెను. విండోస్‌ 8లో స్టార్ట్‌ మెను లేకపోవడంతో చాలా మంది అసంతృప్తి వ్యక్తం చేశారు. ఆ తరువాత స్టార్ట్‌ మెను ఆప్షన్‌ ఇస్తూ విండోస్‌ 8.1ను మైక్రోసాప్ట్ విడుదల చేసింది. విండోస్‌ 9లో కూడా స్టార్‌ మెను ఉంటుందని అంచనా వేస్తున్నారు. వర్చువల్‌ డెస్క్‌టాప్‌ ఫీచర్‌ కూడా ఉంటుందని భావిస్తున్నారు. ఓవరాల్‌గా డెస్క్‌టాప్‌ను మరింత యూజర్‌ఫ్రెండ్లీగా మైక్రోసాప్ట్ తీర్చిదిద్దుతుందని నిపుణులు అంచనా వేస్తున్నారు. సెప్టెంబరు ఆఖరులో ఈ కొత్త వెర్షన్ను విడుదల చేస్తారని భావిస్తున్నారు.