పెన్సిల్వేనియా: అమెరికాలోని పెన్సిల్వేనియాలో జరిగిన కాల్పుల్లో ఆరుగురు చనిపోయారు. విలియం స్టోన్‌ అనే సాయుధుడు తన మాజీ భార్యతో పాటు ఆమె కుటుంబ సభ్యులను కాల్చి చంపాడు. మృతుల్లో వృద్ధులు, చిన్నారులు కూడా ఉన్నారు. నిందితుడు దాగి ఉన్న ఇంటిని పోలీసులు చుట్టుముట్టారు. నిందితుడిని లొంగిపోవాలని పోలీసులు హెచ్చిరించారు. అయితే విలియం స్టోన్ పోలీసుల కళ్ళుగప్పి అక్కడి నుంచి పరారయ్యాడు. అతని కోసం పోలీసులు ఇంకా గాలిస్తున్నారు. మరోవైపు  ప్రశాంతంగా ఉండే పెన్సిల్వేనియా పట్టణంలో కాల్పులు కలకలం రేపాయి.