Ganesh shoba yatra

నిర్మల్ జిల్లాలోని భైంసా పట్టణంలో గణేష్ నవరాత్రి ఉత్సవాలు, నిమజ్జన శోభాయాత్ర అత్యంత వైభవంగా జరిగింది. నవరాత్రుల ముగింపు సందర్భంగా నేడు(మంగళవారం, సెప్టెంబర్‌ 22వ తేదీ) భైంసా పట్టణంలో గణనాథుల నిమజ్జన శోభాయాత్రను అత్యంత అంగరంగ వైభవంగా నిర్వహించారు. గణేష్‌ శోభాయాత్ర ప్రశాంత వాతావరణంలో ముగిసింది. నవరాత్రి ఉత్సవాల అనంతరం పట్టణంలో గణేష్ విగ్రహాల నిమజ్జన శోభాయాత్రను ఎంతో ఘనంగా నిర్వహించారు. వివిధ మండపాల నుంచి తరలివచ్చిన వినాయక విగ్రహాలతో భైంసా వీధులన్నీ కోలాహలంగా మారాయి. ఒకప్పుడు తీవ్రమైన మత ఘర్షణలకు కేంద్రంగా ఉన్న భైంసా.. ఈ గణేష్‌ నిమజ్జనం సందర్భంగా ‘హిందూ ముస్లిం భాయ్ భాయ్ అనే నినాదాలతో హోరెత్తింది. భైంసా పట్టణం సున్నితమైన ప్రాంతం కావడంతో ఎలాంటి అవాంఛనీయ సంఘటనలు జరగకుండా పోలీసులు భారీ భద్రతా ఏర్పాట్లు చేశారు. సీసీ కెమెరాలు, డ్రోన్ల నిఘాతో పాటు అదనపు పోలీసు బలగాలను మోహరించి శోభాయాత్రను పర్యవేక్షించారు.


 హైదరాబాద్: పదకొండు రోజుల పాటు పూజలు అందుకున్న ఖైరతాబాద్ మహాగణపతికి భక్తులు ఘనంగా వీడ్కోలు పలికారు. సోమవారం ఉదయం నుంచి సాగిన గణేషుడి శోభాయాత్రలో  లక్షలాది మంది భక్తులు పాల్గొన్నారు. అధికారులు ఏర్పాటు చేసిన ప్రత్యేక క్రేన్తో వినాయకుడిని సాగర్ జలాల్లో నిమజ్జన కార్యక్రమం పూర్తి చేశారు. అరవై వసంతాలు పూర్తి చేసుకున్నసందర్భంగా 59 అడుగుల భారీ విగ్రహంతో పదకొండు రోజుల పాటు భక్తులను అలరించిన గణనాథుడు భక్తుల జయజయ ధ్వానాల మధ్య సాగరుడి ఒడికి చేరాడు. ప్రత్యేక క్రేన్ ద్వారా గణనాధుడిని హుస్సేన సాగర లో నిమజ్జనం చేశారు. మరోవైపు పదకొండు రోజులు పాటు జరిగిన గణేశ్ ఉత్సవాలు ప్రశాంతంగా ముగియడంతో నగర పోలీసులు ఊపిరి పీల్చుకున్నారు.
 
 ఎక్కడ ఎటువంటి అవాంఛనీయ ఘటన చోటుచేసుకోకుండా చూడటంతో పాటు సిటిజన్ ఫ్రెండ్లీ పోలీసింగ్‌తో నగరవాసులకు మరింత దగ్గరయ్యారు. వినాయక చవితి, బక్రీద్, తెలంగాణ అసెంబ్లీ సమావేశాలు ఈ ఒక్క నెలలోనే రావడంతో... ఎక్కడేం జరుగుతుందోనని తొలుత ఆందోళన చెందిన పోలీసులు పక్కా ప్రణాళికతో బయటి రాష్ట్రాలు, కేంద్రాల నుంచి బలగాలు తెప్పించి భద్రతను కట్టుదిట్టం చేశారు. బక్రీద్, వినాయక ఉత్సవాలు ప్రశాంతంగా జరగడంతో ఊపిరి పీల్చుకున్నారు.