The first step

తల్లి కేవలం జన్మనిచ్చే దేహం కాదు, అది ఒక పవిత్ర క్షేత్రం. తొమ్మిది నెలలు తన రక్తాన్ని పాలుగా మార్చి, మనిషికి ప్రాణం పోసిన మొదటి గురువు అమ్మ. సంస్కారం గర్భం నుండే మొదలవుతుంది. కాయను కాపాడే తొక్కలా, విత్తనాన్ని రక్షించే పొరలా అమ్మ ప్రేమ బిడ్డను నిరంతరం అంటిపెట్టుకుని ఉంటుంది. నేటి యాంత్రిక జీవనంలో వృద్ధాశ్రమాలు పెరుగుతున్నాయంటే, అది తల్లి ప్రేమను తూకం వేస్తున్న అజ్ఞానానికి నిదర్శనం. అమ్మ మన అస్తిత్వంఅమ్మ పాదాల చెంత ఉన్నంత ప్రశాంతత ఈ ప్రపంచంలో మరెక్కడా దొరకదు. కష్టకాలంలో అమ్మ ఇచ్చే ఒక ఓదార్పు మాట, వేల కోట్ల విలువైన ధైర్యాన్ని ఇస్తుంది. అమ్మను గౌరవించడం అంటే, మన అస్తిత్వాన్ని మనం గౌరవించుకోవడమే.అదృశ్య శ్రమకు చిహ్నం తండ్రితండ్రి భుజంపై కూర్చుంటేనే కదా పసివాడు ఈ లోకాన్ని చూడగలుగుతాడు! కన్నబిడ్డ భవిష్యత్తు కోసం తన కలలను, శ్రమను ధారపోసే అద్భుత శిల్పి నాన్న. నాన్న కన్నీళ్లు ఎవరికీ కనిపించవు, కానీ ఆయన పడే కష్టం ఇంటి పునాదిలా నిశ్శబ్దంగా ఉంటుంది. ఎండకు ఎండి, వానకు తడిసి మనకు నీడను ఇచ్చే ఇంటి కప్పులా తండ్రి శ్రమ అదృశ్యంగా ఉంటుంది. తండ్రి వేలు పట్టుకుని నడక నేర్చిన వ్యక్తి, పదిమందిలో తలెత్తుకుని బతకడమే ఆయనకు ఇచ్చే అసలైన కృతజ్ఞత. సంక్షోభ సమయాల్లో నాన్న చూపే స్థితప్రజ్ఞత, నేటి యువత నేర్చుకోవాల్సిన గొప్ప జీవన నైపుణ్యం. నాన్న మాట ఒక శాసనం కాదు, అది మన బాగుకోసం చేసే ఒక దిశానిర్దేశం.కృతజ్ఞతే అసలైన సంపదనేటి పోటీ ప్రపంచంలో కృతజ్ఞత)అనేది మానసిక ఆరోగ్యానికి పరమౌషధం. మన ఎదుగుదలలో తోడ్పడిన ఈ ముగ్గురిని నిత్యం స్మరించుకోవడం వల్ల అంతరంగాన అహంకారం నశించి, వినమ్రత పెరుగుతుంది. బావిలోని నీరు తోడేకొద్దీ ఊరుతుంది; కతజ్ఞత పెరిగేకొద్దీ వ్యక్తిత్వం వికసిస్తుంది. అపజయాలు ఎదురైనప్పుడు అమ్మ భరోసా, నాన్న ధైర్యం, గురువు మార్గదర్శకత్వం కన్నా గొప్ప అస్త్రాలు లోకంలో లేవు. వీరే మన మూలాలు, వీరే మన జీవన నిధులు. మూలాలు లేని సౌధం చిన్న గాలివానకే కుప్పకూలుతుంది; కానీ ఈ ‘త్రిదేవతల’ ఆశీస్సులున్న వ్యక్తి అజేయుడిగా నిలుస్తాడు.ఆచార్యదేవో భవ: జ్ఞాన నేత్రంతల్లిదండ్రులు జన్మనిస్తే, గురువు ఆ జన్మకు ఒక అర్థాన్ని, పరమార్థాన్ని ఇస్తాడు. అక్షర జ్ఞానం నుండి ఆత్మజ్ఞానం వరకు నడిపించే దివిటీ ఆచార్యుడు. గురువు లేని విద్య, చుక్కాని లేని నావ వంటిది. చీకటి గదిలో వెలుగునిచ్చే దీపంలా, అజ్ఞానపు పొరలను తొలగించి జ్ఞాననేత్రాన్ని తెరిపించే శిల్పి గురువు. నేడు గూగుల్‌లో సమాచారం దొరకవచ్చు, కానీ దాన్ని ఎలా వినియోగించాలో నేర్పే సంస్కారం గురువు వద్దే దొరుకుతుంది. విజ్ఞానానికి వివేకాన్ని జోడించి, వ్యక్తిత్వాన్ని పరిపూర్ణం చేసే శిల్పి గురువు. గురువును గౌరవించడం అంటే, విజ్ఞానాన్ని గౌరవించడమే.. – కె. భాస్కర్‌ గుప్తా, వ్యక్తిత్వ వికాస నిపుణులు.


 ఎంజీఎం : వరంగల్‌ కాకతీయ మెడికల్‌ కళాశాల సూపర్‌స్పెషాలిటీ విభాగంలో పీజీ సీట్ల పెంపు కోసం అధి కారులు తొలి అడుగు వేశారు. కేఎంసీ స్థాపించినప్పటి నుంచి ఇప్పటివరకు ఈ సీట్ల పెంపు కోసం అధికారులు ప్రయత్నించ లేదని తెలుస్తోంది. మొట్ట మొదటిసారిగా 14 పీజీ సీట్ల పెంపు కోసం రాష్ట్ర ప్రభుత్వ అనుమతితో ఆరోగ్య వర్సిటీ అఫిలి యేషన్‌ పొంది కేంద్ర ప్రభుత్వానికి ప్రతిపాదనలు పంపారు. వివరాల్లోకి వెళితే.. కేఎంసీకి అనుబంధంగా ఉన్న ఎంజీ ఎంలోని గ్యాస్ట్రో ఎంట్రాలజీ, పిడియాట్రీక్‌ సర్జరీ, యూరాలజీ, డీఎం నియోనాటాలజీ విభాగాల్లో అత్యాధునిక పరికరాలు అందుబాటులో ఉండడంతోపాటు వైద్యసేవలు మెరుగుపడడంతో కేఎంసీ అధికారులు పీజీ సీట్ల పెంపునకు కొన్ని నెలలుగా ప్రయత్నాలు ప్రారంభించారు. 
  
 ఈ మేరకు గ్యాస్ట్రో ఎంట్రాలజీకి నాలుగు, యూరాలజీకి నాలుగు, పిడియాట్రికీ సర్జరీకి నాలుగు సీట్లతోపాటు డీఎం నియోనాటాలజీ విభాగానికి మరో రెండు సీట్లు కేటాయించేలా చర్యలు తీసుకోవా లని రాష్ట్ర ప్రభుత్వానికి ఇటీవల విజ్ఞప్తి చేశారు. అయితే వెంటనే రాష్ట్ర ప్రభుత్వం నుంచి అనుమతి లభించడంతో పాటు కాళోజీ నారాయణరావు హెల్త్‌ యూనివర్సిటీ అఫిలియేషన్‌ పొందడంతో సీట్ల పెంపు కోసం కేంద్రానికి ప్రతిపాదనలు పంపారు. ఈ క్రమంలో కేఎంసీ ప్రిన్సిపాల్‌ విద్యాసాగర్‌ మెడికల్‌ కౌన్సిల్‌ ఆఫ్‌ ఇండియా పేరిట రూ. 8 లక్షల డీడీని సైతం ప్రతిపాదనలతో పంపించారు. కాగా, ఈనెల 31వ తేదీలోగా కేంద్ర ప్రభుత్వం ఈ ప్రతిపాదనలను పరిశీలించి సీట్ల పెంపు కోసం ఎంసీఐకి సిఫారసు చేయనుంది. దీంతో ఎంసీఐ బృందం సీట్ల పెంపునకు కావాల్సిన పరికరాలు, వైద్య సిబ్బంది ఆస్పత్రిలో ఉన్నారా.. లేదా అని కేఎంసీలో తనిఖీ చేసిన ఆనంతరం సీట్లు మంజూరు చేస్తుందని అధికారులు పేర్కొంటున్నారు.
  
  
 డీఎంఈతో ప్రత్యేక సమావేశం : ప్రిన్సిపాల్‌
 రాష్ట్ర ప్రభుత్వ అనుమతితో పాటు డీఎంఈ ఆదేశాల మేరకు కేంద్ర ప్రభుత్వానికి పీజీ సీట్ల పెంపుపై ప్రతిపాదనలు పంపించినట్లు కేఎంసీ ప్రిన్సిపాల్‌ విద్యాసాగర్‌ తెలిపారు. శనివారం హైదరాబాద్‌లో డీఎంఈతో జరిగిన సమావేశంలో ఎంసీఐ తనిఖీ చేసే సమయానికి ఆస్పత్రిలో అన్ని రకాల పరికరాలతో వైద్య సిబ్బందిని నియమించాలని కోరామన్నారు. దీనికి అన్ని విధాల సహకరిస్తామని డీఎంఈ రమణి హామీ ఇచ్చినట్లు ఆయన పేర్కొన్నారు.
 రోగులకు మెరుగైన సేవలు : డాక్టర్‌ బలరాం
 పిడియాట్రిక్‌ విభాగంలో డీఎం నియోనాటాలజీ వంటి సూపర్‌స్పెషాలిటీ పీజీ సీట్ల పెంపుతో నవజాత శిశు సంరక్షణ మరింత మెరుగుపడుతుందని పిడియాట్రిక్‌ విభాగాధిపతి, డాక్టర్‌ బలరాం అన్నా రు. సూపర్‌ స్పెషాలిటీ వైద్యుల నియామకంతో అత్యున్నత వైద్య విద్య కోర్సులు కేఎంసీకి వస్తాయని పేర్కొన్నారు. 


 రుణమాఫీ విడుదలతొలివిడతగా రూ.414.25 కోట్లు
 
  కరీంనగర్ : రుణమాఫీపై ప్రభుత్వం తొలి అడుగువేసి అన్నదాతల ఆశలకు ఊపిరిపోసింది. మాఫీ కోసం కొద్ది రోజులుగా నిరీక్షిస్తున్న రైతులకు ప్రభుత్వం తొలివిడతగా 25 శాతం నిధులను శనివారం నేరుగా రైతుల ఖాతాల్లో జమ చేస్తూ ఉత్తర్వులు జారీ చేసింది. జిల్లా వ్యాప్తంగా 3,73,876 మంది రైతులకు 31 బ్యాంకుల్లో కలిపి రూ.1,656 కోట్లు రుణమాఫీ చేయాలని ప్రభుత్వానికి జిల్లా యంత్రాంగం ప్రతిపాదనలు పంపించింది. మొదటి దఫాగా రాష్ట్ర వ్యాప్తంగా రూ.4,250 కోట్లు మంజూరు చేస్తూ ముఖ్యమంత్రి కేసీఆర్ ఈ నెల 22న సంతకం చేశారు. ఇందులోంచి మన జిల్లాకు రూ.414.25 కోట్లు రాగా, వాటిని 116 జీవో ప్రకారం శనివారం విడుదల చేశారు. ఈ డబ్బులు నేరుగా రైతుల ఖాతాల్లో జమ కానున్నాయి. మిగతా మొత్తం రుణం ఎప్పుడు మాఫీ అవుతుందోననే ఉత్కంఠ రైతుల్లో నెలకొంది.
 
 
 
  


 మెట్టినింట పెట్టే మొదటి అడుగు అందంగా ఆ తర్వాతి అడుగు ఆనందంగా సాగాలని నవవధువు కోరుకుంటుంది. అమ్మాయిల ఊహలకు తగ్గట్టు డిజైనర్లు పెళ్లికూతురి పాదాలను ఆభరణాల అలంకరణలతో ముచ్చటగొలుపుతున్నారు. వివాహ సమయాలలో పెళ్లికూతురికి నగల అలంకరణ ఎంత బాగుంటే అంత కళగా ఉంటుంది. అందుకే పెద్దలు కూడా వధువు ఆభరణాల విషయంలో ప్రత్యేక శ్రద్ధ తీసుకుంటారు. మెడకు, చేతులకు, నడుముకు నగలను ఆలంకరించడంలో ప్రత్యేక శ్రద్ధ తీసుకుంటుంటారు.
 
 ఇప్పుడు పాదాలను ఈ జాబితాలో చేర్చుతున్నారు ఆభరణాల నిపుణులు. కాళ్లపట్టీల గురించి తెలిసిందే! కానీ పాదాలను కప్పినట్టుగా ఉంచే ఈ డిజైన్లు అతివలను అమితంగా ఆకట్టుకుంటున్నాయి. పాదాల ఆభరణాలలో కుందన్స్, పూసలు, ముత్యాల మెరుపులు కొత్తగా కాంతులీనుతున్నాయి. బంగారు, వెండి ఆభరణాలలోనే కాకుండా వన్ గ్రామ్ గోల్డ్‌లో ఇవి కనువిందు చేస్తున్నాయి.