విశాఖపట్నం: దువ్వాడ వీపీఈజెడ్‌లో ఉద్యోగినిపై లైంగిక దాడి జరిగింది. మూడు రోజుల ​క్రితం ఈ సంఘటన జరగగా బాధితురాలైన బాలిక మంగళవారం ఫిర్యాదు చేసింది. బస్సు డ్రైవర్‌ విశ్వనాథ్‌  బస్సులోనే ఆమెపై లైంగిక దాడికి పాల్పడాడ్డు. విషయం వెలుగులోకి రాకుండా ఆమె కుటుంబంతో నిందితుడి తరపు వారు మంతనాలు జరిపి రూ.1.50 లక్షలకు బేరం కుదుర్చుకున్నారు. అయితే విషయం బయటకు పొక్కడంతో పోలీసులు సుమోటోగా కేసు నమోదు చేశారు. అతనితోపాటు మరో ఇద్దరిని కూడా అదుపులోకి తీసుకున్నారు. 


 విశాఖపట్నం : విశాఖపట్నం జిల్లా దువ్వాడ ఎస్‌ఈజెడ్‌లోని బయో మాక్స్ ప్లాంట్‌లో రేగిన మంటలు గురువారం ఉదయానికి కూడా అదుపులోకి రాలేదు. అగ్నిమాపక సిబ్బంది మంటలార్పుతున్న ఇంకా అగ్నికీలలు భారీగా ఎగసిపడుతున్నాయి. ఈ రోజు మధ్యాహ్యానికి మంటలు అదుపులోకి వస్తాయని ఉన్నతాధికారులు భావిస్తున్నారు. ఈ ఈ ప్రమాదంలో దాదాపు 12 చమురు ట్యాంకులు అగ్నికి ఆహుతి అయ్యాయి. బయో మాక్స్ ప్లాంట్లో మంగళవారం రాత్రి అగ్నిప్రమాదం చోటు చేసుకుంది. నాటి నుంచి ఆ మంటలు అదుపులోకి రాలేదు.
 ఇదిలా ఉంటే బయో మ్యాక్స్ అగ్నిప్రమాదంపై జిల్లాకలెక్టర్ యువరాజ్ ప్రభుత్వానికి నివేదిక సమర్పించారు. ఈ పరిశ్రమలో కనీస భద్రత ప్రమాణాలు పాటించడం లేదని ఆయన తన నివేదికలో పేర్కొన్నారు. తరచూ ప్రమాదాలు జరుగుతున్న నేపథ్యంలో సేప్టీ ఆడిట్కు ప్రభుత్వం ఆదేశించింది.