మీరు చదివింది నిజమే! దేవదాసు త్రీడీలో తెరపైకి రానున్నాడు. కొత్తగా ఎవరూ త్రీడీలో సిన్మా తీయడం లేదు. పాత సినిమాను త్రీడీలో రీ–రిలీజ్‌ చేయనున్నారు. షారూఖ్‌ ఖాన్‌ హీరోగా చేసిన హిందీ ‘దేవదాస్‌’ను త్రీడీలో విడుదల చేయనున్నట్టు దర్శకుడు సంజయ్‌ లీలా భన్సాలీ స్పష్టం చేశారు. యాక్చువల్లీ... ఏదైనా సినిమాను త్రీడీ ఫార్మట్‌లో రిలీజ్‌ చేయాలంటే షూటింగ్‌ అప్పుడే చాలా జాగ్రత్తలు తీసుకోవాలి.
 కెమెరా యాంగిల్స్, డైమెన్షన్స్‌ అంటూ చాలా లెక్కలున్నాయి. దర్శకుడు భన్సాలీకి కూడా సేమ్‌ డౌట్‌ వచ్చిందట! అయితే... సిన్మాలో ప్రతి ఫ్రేమ్‌ త్రీడీలో కన్వర్ట్‌ చేయడానికి కరెక్ట్‌గా ఉందని కన్విన్స్‌ అయిన తర్వాత ఈ నిర్ణయానికి (త్రీడీ రిలీజ్‌) వచ్చారట. ఈ జూలై 12కు ‘దేవదాస్‌’ విడుదలై 15 ఏళ్లు అవుతోంది. మళ్లీ అదే తేదీకి త్రీడీ వెర్షన్‌ను విడుదల చేసే ఛాన్సుంది!! సాధారణంగా ఫాంటసీ ఫిల్మ్స్, గ్రాఫికల్‌ వండర్స్‌ త్రీడీలో ఎక్కువ విడుదలవుతుంటాయి. బహుశా... త్రీడీలో వస్తోన్న ఫస్ట్‌ రొమాంటిక్‌ ఫిల్మ్‌ దేవదాసే కావొచ్చు.


 స్టార్ ఫ్యామిలీ నుంచి వచ్చిన యంగ్ హీరోలు సక్సెస్ కోసం ఫ్యామిలీ ఇమేజ్ను బాగానే వాడేసుకుంటున్నారు. ముఖ్యంగా ఈ జనరేషన్ హీరోలు రీమిక్స్ పాటలతో తన వారసత్వాన్ని గుర్తు చేసే ప్రయత్నం చేస్తున్నారు. ఎన్టీఆర్, రామ్ చరణ్ లాంటి స్టార్లు కూడా ఈ ప్రయత్నం చేశారు. ఇక సాయి ధరమ్ తేజ్ సక్సెస్లో రీమిక్స్ పాటల ప్రభావం కూడా బాగానే ఉంది.
 
 తాజాగా అక్కినేని వారసుడిగా పరిచయం అయిన యంగ్ హీరో సుశాంత్ కూడా ఇదే ఫార్ములాను నమ్ముకుంటున్నాడు. ఏకంగా ఏఎన్నార్ నటించిన ఆల్ టైం క్లాసిక్ దేవదాసు సినిమాలోని పాటను రీమిక్స్ చేస్తున్నాడు సుశాంత్. నాగేశ్వరరావు, సావిత్రి  జంటగా నటించిన పల్లెకు పోదాం పారును చూద్దాం పాటను తన లేటెస్ట్ సినిమా కోసం రీమిక్స్ చేస్తున్నాడు సుశాంత్. మరి ఈ సెంటిమెంట్ అయిన సుశాంత్కు వర్క్ అవుట్ అవుతుందేమో చూడాలి.