'ప్రాజెక్టులను కేసీఆర్ ఎప్పుటిలోగా పూర్తిచేస్తారు'

మహబూబ్నగర్ : పెండింగ్ ప్రాజెక్టులను సీఎం కె.చంద్రశేఖర్రావు ఎప్పిటిలోగా పూర్తిచేస్తారో చెప్పాలని వైఎస్ఆర్ సీపీ జిల్లా అధ్యక్షుడు శ్యాంసుందర్ రెడ్డి డిమాండ్ చేశారు. పట్టణంలోని మీడియాతో ఆయన మాట్లాడుతూ.. పాలమూరు జిల్లాను సస్యశ్యామలం చేసేందుకు దివంగత నేత వైఎస్ రాజశేఖర్రెడ్డి 4 ప్రాజెక్టులను చేపట్టారని, ప్రస్తుతం అవి చివరి దశలో ఉన్నాయని పేర్కొన్నారు. జిల్లాలో చివరి దశలో ఉన్న ప్రాజెక్టులను కేసీఆర్ సర్కార్ వెంటనే పూర్తిచేయాలన్నారు. పాలమూరు ప్రాజెక్టును పూర్తిచేయటానికి త్వరలో వైఎస్ఆర్ సీపీ పోరాటం చేసేందుకు సిద్ధమైందని జిల్లా అధ్యక్షుడు శ్యాంసుందర్ తెలిపారు.