TV
నల్లగొండ జిల్లా దామరచర్ల మండలంలోని వాడపల్లి కృష్ణా నది వంతెన వద్దకు శనివారం భారీ సంఖ్యలో వినాయక విగ్రహాలు నిమజ్జనానికి చేరుకుంటున్నాయి.
దామరచర్ల (నల్లగొండ) : నల్లగొండ జిల్లా దామరచర్ల మండలంలోని వాడపల్లి కృష్ణా నది వంతెన వద్దకు శనివారం భారీ సంఖ్యలో వినాయక విగ్రహాలు నిమజ్జనానికి చేరుకుంటున్నాయి. జిల్లాలోని త్రిపురారం, నిడమానూరు, మిర్యాలగూడ ప్రాంతాల నుంచి భక్తులు చేరుకుని విగ్రహాలను నిమజ్జనం చేస్తున్నారు. ఇప్పటి వరకు దాదాపు 400 విగ్రహాలు నిమజ్జనస్థలికి చేరుకున్నాయి. ఈ కార్యక్రమంలో ఎలాంటి అవాంఛనీయ ఘటనలు చోటుచేసుకోకుండా దాదాపు 100 మంది పోలీసులు బందోబస్తు నిర్వహిస్తున్నారు.
