మలేసియన్ ఓపెన్ సెమీపోరులో సైనా ఓటమి

మలేసియన్ ఓపెన్ సెమీపోరులో సైనా ఓటమి

కౌలాలంపూర్ : మలేషియా ఓపెన్ సెమీఫైనల్లో ప్రపంచ నంబర్‌వన్ , భారత క్రీడాకారిణి సైనానెహ్వాల్  నిష్ర్కమించింది.  చైనా క్రీడాకారిణి  లీ జురుయ్ చేతిలో ఆమె  ఓటమి పాలైంది.  శనివారం జరిగిన ఈ  మ్యాచ్ లో  లండన్ ఒలింపిక్స్ విజేత, టాప్ సీడ్ లీ జురుయ్‌తో సైనా  పోరాడి  ఓడింది. హోరా హోరీగా జరిగిన  ఈ సెమీ పోరులో  13-21, 21-17, 22-20  పాయింట్ల తేడాతో ఆమె పరాజయాన్ని చవిచూడాల్సి  వచ్చింది.  రెండుసార్లు చైనాకు దీటుగా నిలిచిన సైనా మూడవసారి ఓటమిని మూటగట్టుకుంది.

శుక్రవారం జరిగిన మహిళల సింగిల్స్ క్వార్టర్ ఫైనల్లో  సైనా 21-11, 18-21, 21-17తో ప్రపంచ 15వ ర్యాంకర్ సున్ యు (చైనా)పై విజయం సాధించి సెమీఫైనల్కి ప్రవేశించిన సంగతి తెలిసిందే. దీంతో మలేసియా ఓపెన్ ప్రీమియర్ సూపర్ సిరీస్ టోర్నమెంట్‌ పోరులో భారత్  తప్పుకున్నట్లే.