రాహుల్‌కు ముద్దు పెట్టిన అభిమాని.. వీడియో వైరల్‌

Rahul Gandhi Ambushed With Kiss In Wayanad - Sakshi

తిరువనంతపురం: కాంగ్రెస్‌ నాయకుడు రాహుల్‌ గాంధీకి ఓ వింత అనుభవం ఎదురయ్యింది. ఓ అభిమాని రాహుల్‌ గాంధీకి ముద్దు పెట్టాడు. ప్రస్తుతం ఇందుకు సంబంధించిన వీడియో తెగ వైరలవుతోంది. రాహుల్‌ వయనాడ్‌ నియోజకవర్గ పర్యటనలో ఉండగా ఈ సంఘటన చోటు చేసుకుంది. వివరాలు.. బుధవారం రాహుల్‌ గాంధీ వయనాడ్‌లో పర్యటించారు. ఆ సమయంలో ఓ అభిమాని రాహుల్‌ వాహనం దగ్గరకు వచ్చి తొలుత షేక్‌హ్యాండ్‌ ఇచ్చాడు. ఆ తర్వాత రాహుల్‌ చేయి పట్టుకుని లాగి అతని బుగ్గపై ముద్దు పెట్టి అంతేవేగంగా వెళ్లి పోయాడు. ఈ అనూహ్య సంఘటనతో ఒక్కసారిగా షాక్‌కు గురయ్యాడు రాహుల్‌. కానీ వెంటనే తేరుకుని ఆ తర్వాత వచ్చిన వారిని పలకరించాడు.

ఈ ఏడాది ఫిబ్రవరిలో కూడా ఇలాంటే పరిస్థితి ఎదురయ్యింది. ఎన్నికల ప్రచారంలో భాగంగా రాహుల్‌ గుజరాత్‌లో పర్యటించినప్పుడు ఓ మహిళ అతడిని ముద్దు పెట్టుకుంది. రాహుల్‌ మెడలో పూలమాల వేయడానికి స్టేజీ మీదకు వచ్చిన సదరు మహిళ ఒక్కసారిగా అతని బుగ్గ మీద ముద్దు పెట్టి వెళ్లి పోయింది. ఇందుకు సంబంధించిన వీడియో సోషల్‌ మీడియాలో తెగ వైరలయిన సంగతి తెలిసిందే. ప్రత్యేకంగా లవర్స్‌ డే రోజున ఈ వీడియోను విపరీతంగా షేర్‌ చేశారు నెటిజనులు.

Read latest National News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top