ప్రియాంకకు షాకిచ్చిన నిర్మాతలు!

గత కొంత కాలంగా రోజుకో రకం వార్తలతో హాట్‌ టాపిక్‌గా మారారు గ్లోబల్‌ స్టార్‌ ప్రియాంక చోప్రా. హాలీవుడ్‌ సింగర్‌ నిక్‌ జోనాస్‌తో ఎంగేజ్‌మెంట్‌ కోసమే సల్మాన్‌ ఖాన్‌ భారత్‌ సినిమా నుంచి తప్పుకున్నారంటూ వార్తలు వచ్చిన విషయం తెలిసిందే. తాజాగా సోనాలీ బోస్‌ ‘ద స్కై ఈజ్‌ పింక్‌’  సినిమా షూటింగ్‌ మొదలు పెట్టారు పిగ్గీ చాప్స్‌. అయితే హాలీవుడ్‌ మూవీ ‘కౌబాయ్‌ నింజా వికింగ్‌’లో నటించడం కోసమే ప్రియాంక భారత్‌ సినిమాను వదులుకున్న విషయం తెలిసిందే. కాగా ప్రస్తుతం కౌబాయ్‌ నింజా వికింగ్‌ సినిమాను వాయిదా వేస్తున్నట్లు ప్రకటించి ప్రియాంకకు షాక్‌ ఇచ్చారు నిర్మాతలు.

హాలీవుడ్‌ ఎంటర్టేన్‌మెంట్‌ పోర్టల్‌ కథనం ప్రకారం.. కౌబాయ్‌ నింజా వికింగ్‌ సినిమా ఇప్పుడప్పుడే పట్టాలెక్కేలా కనిపించడం లేదు. ప్రొడక్షన్‌ షెడ్యూలింగ్‌ ఇష్యూ కారణంగా 2019లో కూడా ఈ సినిమా విడుదలయ్యే అవకాశం కనిపించడం లేదు. ‘ప్రస్తుతానికైతే డైరెక్టర్‌ మిచెల్‌ మెక్‌లారెన్‌ స్క్రిప్టు డెవలప్‌ చేసే పనిలో ఉన్నారు. అయితే ఈ సినిమాలో క్రిస్‌ ప్రాట్‌తో ప్రియాంక కూడా నటిస్తారు. కానీ ఈ ప్రాజెక్టు ఎప్పుడు కార్యరూపం దాల్చుతుందనేది కచ్చితంగా చెప్పలేమని* కౌబాయ్‌ నింజా వికింగ్ నిర్మాతలు పేర్కొన్నారు. కాగా హాలీవుడ్‌ సినిమాను నమ్ముకుని.. భారత్‌ సినిమా నుంచి ప్రియాంక తప్పుకోవడంతో ఆ అవకాశం కత్రినాను వరించింది.

So excited about today..Some stories just need to be told. In the spirit of Aisha Chaudhary&her incredible parents Aditi&Niren we bring you our super special project #TheSkyIsPink. Going on floors today!🙏🏽❤️🎉@RSVPMovies @roykapurfilms @FarOutAkhtar #ShonaliBose @ZairaWasimmm pic.twitter.com/QAixQPfvk0

— PRIYANKA (@priyankachopra) August 8, 2018