నో ఫైటింగ్స్‌!

నో ఫైటింగ్స్‌!

‘చూడ చక్కని జంట’... నాగచైతన్య–సమంతలకు చాలామంది ఇచ్చే కితాబులివి. మరి ఈ ఇద్దరూ ఒకరికి మరొకరు ఇచ్చుకునే కితాబుల సంగతేంటి? అంటే ‘చై.. (నాగచైతన్యను అలానే పిలుస్తారు) చాలా మంచి అబ్బాయి’ అంటారు సమంత. నాగచైతన్య అయితే ఇటీవల ఓ కార్యక్రమంలో ‘ప్రపంచంలో ఒక గొప్ప వ్యక్తి’ అని సమంత గురించి చెప్పారట. అది మాత్రమే కాదు.. సమంతకన్నా అందమైన అమ్మాయి లేదని కూడా అన్నారు.

ఆ సంగతలా ఉంచితే చైతూ–సమంతల పర్సనల్‌ లవ్‌ లైఫ్‌ని ఆన్‌ స్క్రీన్‌ మీద చూడాలని చాలామందికి ఉంటుంది. ఆ అవకాశం లేకపోలేదు. ఎందుకంటే, తమ లవ్‌ లైఫ్‌తో సినిమా అంటే ఒప్పుకుంటానని కూడా ఆ కార్యక్రమంలో చైతూ అన్నారట. ఇద్దరూ గొడవపడుతుంటారా? అనే ప్రశ్నకు... ‘‘కోపం వస్తే సీరియస్‌గా చూస్తుంది కానీ, నో ఫైటింగ్స్‌’’ అని కూడా చైతూ పేర్కొన్నారట. అక్టోబర్‌లో నాగచైతన్య–సమంతల వివాహం జరగనున్న విషయం తెలిసిందే. మ్యారేజ్‌ కోసం షాపింగ్‌ మొదలుపెట్టారట.