గుమ్మడికాయ కొట్టేసిన 'ఆక్సిజన్' టీం

గుమ్మడికాయ కొట్టేసిన 'ఆక్సిజన్' టీం

గోపిచంద్ కథానాయకుడిగా తెరకెక్కుతున్న యాక్షన్ ఎంటర్టైనర్ ఆక్సిజన్ షూటింగ్ పూర్తి చేసుకుంది. నీ మనసు నాకు తెలుసు సినిమాతో దర్శకుడిగా పరిచయం అయిన ఏఎం.జ్యోతికృష్ణ ఈ సినిమాకు దర్శకుడు. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమాను వీలైనంత త్వరగా రిలీజ్ చేసేందుకు ప్లాన్ చేస్తున్నారు.

గోపిచంద్ సరసన రాశీఖన్నా, అను ఏమాన్యూల్ కథానాయికలుగా నటించిన ఈ మూవీని శ్రీసాయిరామ్ క్రియేషన్స్ పతాకంపై ఏఎం.రత్నం కోడలు ఎస్.ఐశ్వర్య నిర్మిస్తున్నారు. ఇప్పటికే ఈ చిత్రం ఫస్ట్ లుక్ టీజర్, పోస్టర్లలో గోపిచంద్ లుక్కు మంచి రెస్పాన్స్ వచ్చింది. త్వరలో ట్రైలర్ను విడుదల చేసేందుకు సన్నద్ధమవుతున్నారు దర్శకనిర్మాతలు.

ముంబై, గోవా, సిక్కిం, చెన్నైలలో తెరకెక్కిన ఈ సినిమాకు  యువన్ శంకర్ రాజా సంగీతం అందించాడు.  జగపతిబాబు, కిక్ శ్యామ్, అలీ, చంద్రమోహన్, నాగినీడు కీలక పాత్రల్లో నటిస్తున్న ఆక్సిజన్ ఆడియోను త్వరలో రిలీజ్ చేసేందుకు ప్లాన్ చేస్తున్నారు. ఆడియో రిలీజ్ తరువాతే సినిమా రిలీజ్ పై క్లారిటీ రానుంది.