మళ్లీ ట్విట్టరెక్కేసింది

 

 వివరాల్లోకెళితే- ‘‘సూర్య కథానాయకునిగా లింగుస్వామి ‘అంజాన్’ అనే సినిమా తెరకెక్కిస్తున్న విషయం తెలిసిందే. ఇందులో కథానాయిక సమంత. ఇటీవలే ఈ సినిమాకు సంబంధించిన ఫస్ట్‌లుక్‌ని నిర్మాతలు మీడియాకు విడుదల చేశారు. కేవలం సూర్య మాత్రమే ఆ పోస్టర్‌లో ఉండటం సమంతకు ఆగ్రహం తెప్పించింది. ఇంకేముంది! ఇక ఆలస్యం చేయకుండా ట్విట్టర్ ఎక్కేసింది. ‘‘ఈ ఫీల్డ్‌లో హీరోలదే డామినేషన్. దానికి సూర్య కూడా అతీతుడు కాడని తేలిపోయింది. స్త్రీలకు సినీ పరిశ్రమలో సమగౌరవం లభిస్తుందనడం అసత్యం. ‘ఆంజాన్’ చిత్రం ఫస్ట్‌లుక్‌లో నా ఫొటో లేకపోవడమే ఆందుకు పెద్ద నిదర్శనం’’అని ట్విట్ చేసింది. నిజానికి సినిమా ఫస్ట్‌లుక్‌గా హీరో స్టిల్ విడుదల చేయడం కొత్తేం కాదు. సమంత ఆ విషయాన్ని కూడా విస్మరించి ఇలా వ్యాఖ్యలు చేయడం కోలీవుడ్‌లో పెద్ద చర్చకు దారితీసింది.