ప్రేమ ఓ డ్రగ్‌ లాంటిది.. దానికోసం..

Oct 12, 2019, 12:39 IST

ప్రేమ గురించి మనకు తెలిసింది కొంత మాత్రమే. తెలుసుకోవాల్సింది చాలా ఉంది. ప్రేమలో ఉన్నపుడు, ప్రేమించిన వారితో కలిసున్నపుడు మనలో చాలా మార్పులు చోటుచేసుకుంటాయి. ఆ మార్పులు శారీరకంగా, మానసికంగా మనిషిని ఆరోగ్యంగా ఉంచుతాయి. ప్రేమ వల్ల మనిషికి కలిగే లాభాలు, ఆసక్తికరమైన అంశాలు ఓ పది మీ కోసం..

1) ప్రేమలో పడటం అన్నది ఓ డ్రగ్‌లాగా పనిచేస్తుంది. కొకైన్‌, హెరాయిన్‌ తీసుకున్న వారు ఎలాంటి అనుభూతి పొందుతారో ప్రేమలో పడినప్పుడు కూడా అలాంటి అనుభూతే కలుగుతుంది. ఈ రెండు కూడా డొపమైన్‌, ఆక్సిటోసిన్‌, ఎడ్రనలిన్‌ హార్మోన్లను ఉత్పత్తి చేస్తాయి.
2) మీరు ఒత్తిడిలో ఉన్నపుడు ప్రేమించిన వారిని కొన్ని క్షణాలు కౌగిలించుకున్నట్లయితే మీకు త్వరలోనే ఉపశమనం కలుగుతుంది. ప్రేమించిన వారిని కౌగిలించుకున్నపుడు ఒత్తిడిని నివారించే ఆక్సిటోసిన్‌ అనే హార్మన్‌ విడుదలవుతుంది.
3) ప్రేమలో ఉన్నపుడు జీవితం శారీరకంగా, మానసికంగా ధృడంగా ఉంటుంది. జంటలలో కంటే ఒంటరిగా ఉన్న వారిలోనే గుండె జబ్బులు ఎక్కువగా వస్తాయని ‘మెటా అనాలిసిస్‌’ అనే పరిశోధనలో తేలింది.
4) మనషులే కాదు కొన్ని జంతువులు కూడా మోనోగమస్‌ బంధాలను పాటిస్తాయని తేలింది. బీవర్స్‌, ఓటర్స్‌, తోడేళ్లు, సీహార్స్‌లు ఒకసారి ప్రేమించిన వాటితోటే జీవితాంతం కలిసి ఉంటాయి.
5) దీర్ఘకాలిక నొప్పులతో బాధపడుతున్న వారికి ప్రేమ ఓ మందులా పనిచేస్తుంది. మనం వేసుకునే పెయిన్‌ కిల్లర్‌లా ప్రేమ పనిచేసి నొప్పుల నుంచి ఉపశమనం కలిగిస్తుంది.
6) ఆడవారికంటే మగవారే తొందరగా ప్రేమలో పడతారు. మొదట ఐ లవ్‌ యూ చెప్పేది కూడా మగవారే.
7) ప్రేమించిన వారు మీ పక్కన ఉంటే రోగాల నుంచి, గాయాలనుంచి మామూలు కంటే రెండు రెట్లు తొందరగా కోలుకుంటారు.
8) ప్రేమకోసం ఏ పనైనా చేయాలనే స్థితికి దిగజారటం కూడా జరుగుతుంది. దొంగతనాలు, హత్యలు ఇలా చాలానే..
9) ప్రేమ మీ మెదడులోని పలు భాగాలను ఉత్తేజపరుస్తుంది. తద్వారా ఎదుటి వ్యక్తితో చక్కటి అనుబంధం ఏర్పడుతుంది.
10) ప్రేమించటం, పెళ్లి చేసుకోవటం, భాగస్వామితో కలిసి జీవించటం వల్ల ఎక్కువ కాలం బ్రతుకుతారని వెల్లడైంది. పెళ్లైన వాళ్లు ఒంటరి వాళ్లకంటే దాదాపు 8 సంవత్సరాలు ఎక్కువకాలం జీవిస్తారని అంచనా.

లేదా worldoflove@sakshi.comకు మెయిల్‌ చేయండి

Read latest Lifestyle News and Telugu News | Follow us on FaceBook, Twitter

విజయనగర ఉత్సవాలు ప్రారంభం

'పారదర్శకంగా రైతు భరోసా పథకం'

Tags:

World of Love

Love

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

రాశి ఫలాలు

ఈ వారం మీ ప్రేమ జాతకం

(తేదీ : 20 నుంచి 26 వరకు)

అనుకున్న ఇష్టులైన వారికి సందేశాలు అందించేందుకు శుక్ర, గురువారాలు అత్యంత అనుకూలమైనవిగా చెప్పవచ్చు. ఈరోజుల్లో మీ ప్రతిపాదనలు అవతలివారు వినమ్రంగా స్వీకరించే వీలుంటుంది. ఇక ఈ సమయంలో మీరు ఆరెంజ్, రెడ్‌ రంగు దుస్తులు ధరిస్తే మంచిది. అలాగే, ఇంటి నుంచి తూర్పుదిశగా బయలుదేరండి. అయితే, సోమ, మంగళవారాలు వీటికి దూరంగా ఉండడం మంచిది.

మీమనస్సులో ఉన్న వారికి ప్రేమసందేశాలు అందించేందుకు సోమ, బుధవారాలు అనుకూలమైనవిగా చెప్పొచ్చు. ఈ రోజుల్లో మీ ప్రతిపాదనలపై అవతలి వైపు నుంచి అనుకూల స్పందనలు రావచ్చు. ఈ సమయంలో మీరు ఎల్లో, పింక్‌ రంగు దుస్తులు ధరించండి. అలాగే, ఇంటి నుంచి దక్షిణదిశగా బయలుదేరండి. అయితే, శని, మంగళవారాలు ఇటువంటి ప్రయత్నాలు విరమించండి.

మీరు అత్యంత ఇష్టపడే వారికి మనస్సులోని భావాలను శుక్ర, బుధవారాలు వెల్లడిస్తే అనుకూలత ఉంటుంది. ఈ సమయంలో మీ ప్రతిపాదనలను అవతలి వారు సైతం అంగీకరించే వీలుంటుంది. ఈ సమయంలో మీరు రెడ్, వైట్‌ రంగు దుస్తులు ధరించాలి. అలాగే, ఇంటి నుంచి ఉత్తరఈశాన్యదిశగా బయలుదేరితే శుభదాయకంగా ఉంటుంది. ఇక, ఆది, మంగళవారాలు ఇటువంటి వాటికి దూరంగా ఉండండి.