TV
సంప్రదాయ కేళి
దసరా ఉత్సవాలు.. బతుకమ్మ సంబరాలు.. నగరమంతా పూల దారులై... ఆటపాటలతో ఆనంద లోగిళ్లై విరాజిల్లే వైభవం. ఈ ఉత్సాహానికి మరింత హంగులద్దేందుకు దాండియా, బతుకమ్మ ఆటల్లో ఉచిత శిక్షణ ఇస్తోంది శిల్పారామం.
దసరా ఉత్సవాలు.. బతుకమ్మ సంబరాలు.. నగరమంతా పూల దారులై... ఆటపాటలతో ఆనంద లోగిళ్లై విరాజిల్లే వైభవం. ఈ ఉత్సాహానికి మరింత హంగులద్దేందుకు దాండియా, బతుకమ్మ ఆటల్లో ఉచిత శిక్షణ ఇస్తోంది శిల్పారామం. అంతే కాదు.. పెళ్లి పాటలతో పాటు సంప్రదాయ గీతాలు కూడా ఇక్కడ నేర్పిస్తున్నారు. ఈ నెల 15న ప్రారంభమైన ఈ శిక్షణలో వయసుతో నిమిత్తం లేకుండా మహిళలు పెద్ద సంఖ్యలో ఉత్సాహంగా పాల్గొంటున్నారు. ఇందులో ప్రతిభ కనబరిచినవారికి నవరాత్రి ఉత్సవాల సందర్భంగా నిర్వహించే సాంస్కృతిక కార్యక్రమాల్లో పాల్గొనే అవకాశం కూడా కల్పిస్తున్నట్టు నిర్వాహకులు తెలిపారు.
