అనుభవమే వైద్యం!

Hyderabad People Self Treatment For COVID 19 Virus - Sakshi

పేషెంట్‌ల అనుభవాలు.. కొత్త వాళ్లకు పాఠాలు 

మందులు, ఆరోగ్యసూత్రాలు, జాగ్రత్తలతో స్ఫూర్తి 

సోషల్‌ మీడియాలోనూ కోవిడ్‌ ఎక్స్‌పీరియన్స్‌

హోం ఐసోలేషన్‌లో ఉన్నవారికి ఎంతో ఉపయోగమంటున్న నిపుణులు 

కోవిడ్‌ను ధైర్యంగా ఎదుర్కొనేందుకు దోహదం 

సాక్షి, సిటీబ్యూరో: ‘పెద్దల మాట..చద్దన్నం మూట’ అన్నారు. సామెత పాతదే కావచ్చు. కానీ ఇప్పుడుకోవిడ్‌ను ఎదుర్కోవడంలో ఇది ఒక ఆయుధంలాపనిచేస్తుంది. పాతవాళ్ల అనుభవాలు..కొత్తవాళ్లకుమార్గనిర్దేశం చేస్తున్నాయి. వైరస్‌ను ఎదుర్కొనే మానసిక స్థైర్యాన్ని, ధైర్యాన్ని అందజేస్తున్నాయి. కరోనాబాధితులను చూడగానే బెంబేలెత్తి హడలిపోయే దశ నుంచి వారి అనుభవాలనే పాఠాలుగా స్వీకరించి స్ఫూర్తిని పొందే దశ  మొదలైంది. వైరస్‌ ఉధృతి
పెరగడం, అన్ని ప్రాంతాలకు, అన్ని కాలనీలకువిస్తరించడం సాధారణమైంది. ఇదే సమయంలో కరోనా వైరస్‌ పట్ల భయాందోళనకు గురికాకుండా అప్రమత్తత పాటిస్తున్నారు. ఇందుకోసం  ఒకవైపు టెలీమెడిసిన్‌ ద్వారా వైద్య నిపుణుల నుంచి చికిత్స, సలహాలు తీసుకొంటూనే పాత పేషెంట్‌లు వినియోగించిన మందులు, వైద్యం, పాటించిన పద్ధతులను ఆరా తీస్తున్నారు.

పాజిటివ్‌గా నిర్ధారణ అయిన వారితో పాటు ఆరోగ్యంగా ఉన్నవాళ్లు సైతం భవిష్యత్తులో తమకు వైరస్‌ సోకితే ఎలా బయటపడాలో తెలుసుకొనేందుకు ఈ అనుభవాల పట్ల ఆసక్తిని ప్రదర్శిస్తున్నారు. దీంతో ఈ అనుభవాలు సామాజిక మాధ్యమాల్లోనూ విరివిగా వైరల్‌ అవుతున్నాయి. మరోవైపు ఇంట్లో ఒక్కరికి, ఇద్దరికి కరోనా వచ్చి తగ్గిపోయిన తరువాత తిరిగి అదే ఇంట్లో కొత్తగా ఇంకెవరికైనా వైరస్‌ సోకినప్పుడు కూడా ఇలాంటి అనుభవాలే వైరస్‌ నియంత్రణకు దోహదం చేస్తున్నాయి. ఈ క్రమంలో ‘సాధారణ లక్షణాలకే బెంబేలెత్తి ఆసుపత్రుల వెంట పరుగులు తీయకుండా మందులు వాడుతూ జాగ్రత్తలు తీసుకోవడం మంచిదే. కానీ  ‘పాజిటివ్‌’ నుంచి  ‘నెగెటివ్‌’గా మారే వరకు చాలా అప్రమత్తంగా ఉండాలి’ అని వైద్యులు హెచ్చరిస్తున్నారు. నిరంతరం అప్రమత్తంగా ఉండాలని సూచిస్తున్నారు. ఒకవైపు సర్కార్‌ దవఖానాలు భవిష్యత్తుపై భరోసాను ఇవ్వలేకపోతున్నాయి. నాణ్యమైన వైద్యం కొరవడుతోంది. మరోవైపు ప్రైవేట్‌ ఆసుపత్రులు నిలువునా దోచుకుంటున్నాయి. ఈ పరిస్థితుల్లో సాధారణ, మధ్యతరగతి  ప్రజలు టెలీమెడిసిన్‌ మార్గాన్ని, ఇలాంటి అనుభవాలను స్ఫూర్తిగా తీసుకొని వైరస్‌ నుంచి  బయటపడుతున్నారు.  

టెస్టులకు సైతం నో.... 
కొండాపూర్‌కు చెందిన సురేష్‌కు (పేరు మార్చాం) జలుబు, దగ్గు, జ్వరం వంటి లక్షణాలు కనిపించాయి. ఒంట్లో నీరసంగా అనిపించింది. టెస్టుకు  వెళితే కచ్చితంగా పాజిటివ్‌ వస్తుందని  తెలిసిపోయింది. మరో ఆలోచనకు తావు లేకుండా కరోనా వైద్యం ప్రారంభించాడు. అప్పటికే వ్యాధి నుంచి కోలుకున్న తన స్నేహితుల అనుభవాలు  ఇందుకు దోహదం చేశాయి. వారం రోజుల్లో సాధారణ స్థితికి వచ్చాడు. ఒక్క సురేష్‌ మాత్రమే కాదు. ప్రస్తుతం చాలామంది ఇదే పద్ధతిని పాటిస్తున్నారు. పటాన్‌చెరుకు చెందిన శ్రీనివాస్‌ ఇటీవల యాంటిజెన్‌ టెస్టుకెళ్లాడు. కానీ అతనికి అప్పటికే వైరస్‌ వచ్చి నయమైనట్లు వైద్యులు నిర్ధారించారు. కొద్ది  రోజులుగా జలుబు, ఇతర లక్షణాల కోసం అతడు వాడిన మందులే ఈ నెగెటివ్‌ ఫలితాన్ని ఇచ్చాయి. ఆ తరువాత తమ ఇంట్లో మరో ఇద్దరికి వైరస్‌ సోకినప్పుడు ఏ మాత్రం భయాందోళనకు గురికాకుండా డాక్టర్‌ సలహాలు, సూచనలకు తన అనుభవాలను సైతం జోడించి కుటుంబ సభ్యులకు ధైర్యాన్ని ఇచ్చాడు.   

టెస్టులు అందుకే తగ్గాయా... 
కొద్ది రోజుల క్రితం వరకు నగరంలో 2000కు పైగా పాజిటివ్‌ కేసులు నమోదయ్యాయి. కానీ ప్రస్తుతం సగానికి సగం తగ్గాయి. వైరస్‌ ఉధృతి తగ్గడమే కాదు. టెస్టుల కోసం వచ్చేవాళ్ల సంఖ్య కూడా తగ్గడమే ఇందుకు కారణమని పలు పరీక్షా కేంద్రాల నిర్వాహకులు విస్మయం వ్యక్తం చేస్తున్నారు. టెస్టుల పట్ల విముఖత చూపుతున్నారు. ప్రాథమిక ఆరోగ్య కేంద్రాలు, బస్తీ దవఖానాల్లో  టెస్టుల కోసం గంటల తరబడి పడిగాపులు కాయడం ఒక  కారణమైతే ఒంట్లో కనిపించే లక్షణాలను బట్టి మందులు వాడుకోవడం మంచిదనే భావన, తమకు తెలిసిన వాళ్లు కరోనాను జయించిన తీరు ఇందుకు కారణమవుతున్నాయి. 

సామాజిక మాధ్యమాలే వేదికలు.... 
కరోనాను జయించిన వాళ్లు తమ అనుభవాలను ఫేస్‌బుక్, వాట్సప్, యూట్యూబ్‌ వంటి సోషల్‌ మీడియాలో షేర్‌ చేస్తున్నారు. దినచర్యలతో పాటు మందులు, నియమాలను, ఆరోగ్యసూత్రాలు తెలియజేస్తున్నారు.  

ఏం తెలుసుకుంటున్నారంటే.... 
రోజువారి దినచర్య, మందులు, ఐసోలేషన్‌లో పాటించవలసిన నియమాలు..
యోగా, ప్రాణాయామం, ధ్యానం వంటి పద్ధతుల వల్ల ఊపిరితిత్తుల సామర్థ్యాన్ని పెంచుకొనే తీరు.
ఉదయం నుంచి రాత్రి వరకు తీసుకోవలసిన ఆహారం, ఇతర వ్యాయామాలు.  
టెలీ మెడిసిన్‌లో డాక్టర్‌లు ఇచ్చే సలహాలు, సూచనలకు తోడు ఇవి మరింత బలాన్నిస్తున్నాయి.  

Read latest Telangana News and Telugu News | Follow us on FaceBook, Twitter

మరిన్ని వార్తలు

23-09-2020
Sep 23, 2020, 22:09 IST
సాక్షి, న్యూఢిల్లీ: దేశ రాజధానిలో 2 లక్షల 56 వేలు కరోనా పాజిటివ్ కేసుల నమోదయ్యాయి.  గడచిన 24 గంటలలో...
23-09-2020
Sep 23, 2020, 21:14 IST
సాక్షి, న్యూఢిల్లీ: కేంద్ర రైల్వే శాఖ సహాయ మంత్రి సురేష్ అంగడి కన్నుమూశారు. ఆయన వయసు 65 ఏళ్లు. కరోనా మహమ్మారి...
23-09-2020
Sep 23, 2020, 18:10 IST
తిరుమల శ్రీవారి బ్రహ్మోత్సవాల్లో పాల్గొనడానికి వచ్చి కూడా, మీరు ఈ వీడియో కాన్ఫరెన్స్‌లో పాల్గొనడం అభినందనీయం.
23-09-2020
Sep 23, 2020, 16:47 IST
రాష్ట్రంలో గడిచిన 24 గంటల్లో 8,291 మంది కరోనా నుంచి కోలుకుని ఆస్పత్రుల నుంచి డిశ్చార్జ్‌ అయ్యారు.
23-09-2020
Sep 23, 2020, 10:15 IST
సాక్షి, న్యూఢిల్లీ: భారత్‌లో కోవిడ్‌ విజృంభణ కొనసాగుతుంది. గడచిన 24 గంటలలో అత్యధికంగా రికార్డ్ స్థాయిలో 83,347  కరోనా పాజిటివ్ కేసులు...
23-09-2020
Sep 23, 2020, 09:21 IST
బీజింగ్‌: ప్రపంచాన్ని వణికిస్తోన్న కరోనా వైరస్‌ వూహాన్‌ ల్యాబ్‌లోనే తయారయ్యిందంటూ సంచలన ప్రకటన చేసిన చైనా వైరాలజిస్ట్‌ లి మెంగ్‌...
23-09-2020
Sep 23, 2020, 09:10 IST
సాక్షి, శ్రీకాకుళం: ఆ యువకుడిది పేద కుటుంబం.. తండ్రి మరణించాడు.. అన్నయ్య, తల్లి కష్టపడి చదివించారు. తాను కూడా ఉపాధ్యాయ...
23-09-2020
Sep 23, 2020, 08:59 IST
హైదరాబాద్ : కోవిడ్‌–19 కేసులు అంతకంతకూ పెరుగుతున్నాయి. ఈ నేపథ్యంలో ఇంటి నుంచి పని చేయడమే మేలు. ఇదీ భాగ్యనగరిలో ఐటీ,...
23-09-2020
Sep 23, 2020, 05:36 IST
సాక్షి, హైదరాబాద్‌: కరోనా వేళ కొన్ని ప్రైవేట్‌ ఆసుపత్రులు కాసులకు కక్కుర్తి పడిన విషయం వాస్తవమేనని టాస్క్‌ఫోర్స్‌ నిర్ధారణకు వచ్చినట్లు...
23-09-2020
Sep 23, 2020, 05:04 IST
సాక్షి, హైదరాబాద్‌: రాష్ట్రంలో కరోనా చికిత్స చేసే సాధారణ పడకల సంఖ్య రోజురోజుకూ తగ్గుతోంది. కొన్ని ప్రభుత్వ, ప్రైవేట్‌ ఆసుపత్రులు...
23-09-2020
Sep 23, 2020, 03:58 IST
సాక్షి, అమరావతి: రాష్ట్రంలో రోజూ నమోదవుతున్న కోవిడ్‌ కేసుల కంటే డిశ్చార్జ్‌ అవుతున్నవారి సంఖ్య పెరుగుతూ వస్తోంది. గడిచిన 24...
23-09-2020
Sep 23, 2020, 03:53 IST
సాక్షి, అమరావతి: కోవిడ్‌ బాధితులకు అత్యవసర పరిస్థితుల్లో ఇవ్వాల్సిన ఆక్సిజన్‌ను సమకూర్చుకోవడంలో దేశంలోనే ఆంధ్రప్రదేశ్‌ ముందంజలో నిలిచింది. రాష్ట్రంలో అవసరమైనదాని...
23-09-2020
Sep 23, 2020, 03:33 IST
మాస్కో: కరోనా వైరస్‌ ఎదుర్కోవడానికి ప్రపంచవ్యాప్తంగా వ్యాక్సిన్‌ ప్రయోగాలు ముమ్మరంగా కొనసాగుతున్నాయి. రష్యా స్పుత్నిక్‌ వీ తర్వాత మరో వ్యాక్సిన్‌ను...
22-09-2020
Sep 22, 2020, 21:26 IST
వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ మరోసారి చైనాపై విరుచుకుపడ్డారు. కరోనా వైరస్‌ను ప్రపంచం మీదకు వదిలిన డ్రాగన్‌ దేశంపై...
22-09-2020
Sep 22, 2020, 20:15 IST
ఇప్పటివరకు కోలుకున్నవారి మొత్తం సంఖ్య 5,62,376. రాష్ట్రంలో ప్రస్తుతం యాక్టివ్‌ కేసుల సంఖ్య 71,465.
22-09-2020
Sep 22, 2020, 19:26 IST
జరగాల్సిన నష్టం జరిగి పోయాక రాత్రి పది గంటల నుంచి ఆంక్షలు విధించడం వల్ల కలిగే ప్రయోజనం ఏముంటుంది?
22-09-2020
Sep 22, 2020, 17:56 IST
అందుకనే ఇంకా విటమిన్లు, పోషక పదార్థాల కోసం ఇతర మార్గాలు వెతుక్కోవాల్సి వస్తోంది.
22-09-2020
Sep 22, 2020, 16:36 IST
సాక్షి, న్యూఢిల్లీ : ప్రాణాంతక కరోనా వైరస్‌ బారిన పడి మరణిస్తున్న వారి సంఖ్య భారత్‌లో గణనీయంగా పడిపోతోంది. సెప్టెంబర్‌...
22-09-2020
Sep 22, 2020, 15:53 IST
న్యూఢిల్లీ: ప్రపంచాన్ని వణికిస్తున్న కరోనా వైరస్‌ భారత్‌లో సైతం రోజురోజుకు అత్యంతగా వేగంగా విస్తరిస్తోంది. ఇప్పటికే 90 వేల మందికి...
22-09-2020
Sep 22, 2020, 14:13 IST
ముంబై: బాలీవుడ్‌లో విషాదం చోటుచేసుకుంది. మహమ్మారి కరోనా కాటుకు సీనియర్‌ నటి, ప్రముఖ థియేటర్‌ ఆర్టిస్టు ఆశాలత వాగోంకర్‌(79) బలైపోయారు....
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top