ఏర్కాడులో ఆకట్టుకున్న డాగ్‌ షో

May 26 2025 12:18 AM | Updated on May 26 2025 12:18 AM

సేలం: సేలం జిల్లాలోని ఏర్కాడులో వేసవి పండుగ పూల ప్రదర్శనతో కలిపి పశువైద్య శాఖ తరఫున ఆదివారం పెంపుడు జంతువుల ప్రదర్శన జరిగింది. పెంపుడు జంతువుల ప్రదర్శనలో అల్సేషన్‌, జర్మన్‌ షెపర్డ్‌, డాబర్మాన్‌, లేబర్‌ డాగ్‌, గొంప, రాజపాలయం వంటి జాతులకు చెందిన 80కి పైగా పెంపుడు జంతువులను ఆహ్వానించారు. పోలీసు కుక్కలు పోలీసులకు ఎంత ప్రభావవంతంగా సహాయపడతాయో వివరించడానికి పోలీసులు పోలీసు స్నిఫర్‌ డాగ్స్‌ను కూడా ఈ ప్రదర్శనకు తీసుకొచ్చారు. దీంతో పాటూ పిల్లులు, ఆవులను కూడా తీసుకువచ్చి పర్యాటకులు, ప్రజలు చూడటానికి ప్రదర్శించారు. ఇందులో సేలం జిల్లా పోలీసు సూపరింటెండెంట్‌ గౌతమ్‌ గోయల్‌ పెంచుకున్న పెంపుడు జర్మన్‌ షెపర్డ్‌ మొదటి బహుమతిని గెలుచుకుంది. రెండవ బహుమతిని సేలం నగర పోలీసు స్నిఫర్‌ డాగ్‌ గెలుచుకుంది. సేలంలోని శీలనాయకన్‌ పట్టికి చెందిన పీఈటీ సురేష్‌కు చెందిన కుక్కకు తృతీయ బహుమతి లభించింది. గెలిచిన పెంపుడు జంతువులకు సంబంధించిన యజమానులకు సావనీర్‌ సర్టిఫికెట్లు అందజేశారు.