మనస్తాపంతో విద్యార్థి ఆత్మహత్య

అన్నానగర్‌: మనస్తాపంతో విద్యార్థి ఆత్మహత్య చేసుకున్నాడు. తూత్తుకుడి జిల్లా కోవిల్‌పట్టి సమీపంలోని ఇలుప్‌పైయురాణి పెరుమాళ్‌ నగర్‌కు చెందిన సుశీకరన్‌ విద్యా సరస్వతి కుమారుడు గుగన్‌ (13) 8వ తరగతి చదువుతున్నాడు. గుగన్‌ తరచూ తన స్నేహితులతో కలిసి సెల్‌ఫోన్‌లో గేమ్స్‌ ఆడేవాడు. ఫోన్‌లో డేటా అయిపోవడంతో తల్లికి చెప్పాడు. ఆడింది చాలని తల్లి నచ్చజెప్పింది. దీంతో మనస్తాపం చెందిన బాలుడు ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకున్నాడు. సమాచారం అందుకున్న కోవిల్‌పట్టి ఈస్ట్‌ పోలీస్‌స్టేషన్‌ పోలీసులు మృతదేహాన్ని స్వాధీనం చేసుకుని కోవిల్‌పట్టి ప్రభుత్వాసుపత్రికి తరలించారు. కేసు నమోదు చేసి దర్యాప్తు చేస్తున్నారు.