మస్క్ మిలియన్ డాలర్ల ఆఫర్‌!.. రిజెక్ట్ చేసిన ఇద్దరు ఫ్రెండ్స్

ప్రపంచ కుబేరుడు ఎలాన్ మస్క్ కంపెనీలో ఉద్యోగం ఇస్తామంటే.. ఎవరు మాత్రం కాదంటారు చెప్పండి?. కానీ తమ సొంత ఆలోచనలను నిజం చేయడానికి ఓ ఇద్దరు స్నేహితులు మస్క్ ఆఫర్ వదులుకున్నారు. ఇప్పుడు ఏఐ ప్రపంచంలో సంచలనాలు సృష్టిస్తున్నారు.

మిచిగాన్‌కు చెందిన 22 ఏళ్ల ఇద్దరు స్నేహితులు.. సేపియంట్ ఇంటెలిజెన్స్ సహ వ్యవస్థాపకులు విలియం చెన్ & గువాన్ వాంగ్ తమ సొంత ప్రాజెక్టును కొనసాగించడానికి టెక్ బిలియనీర్ ఎలాన్ మస్క్ ఇచ్చిన మిలియన్ డాలర్ల ఆఫర్‌ను తిరస్కరించారు. వీరిరువురు మిచిగాన్‌లోని ఉన్నత పాఠశాలలో కలుసుకున్నారు.

గువాన్ వాంగ్‌కు ఏదైనా సమస్యను పరిష్కరించగల అల్గోరిథంను నిర్మించడంలో ఆసక్తి. చెన్‌కు ఇంజనీరింగ్ & వాస్తవ-ప్రపంచ అనువర్తనాలలో వ్యవస్థలను ఆప్టిమైజ్ చేయడం ఇష్టం. కాబట్టి వీరిద్దరూ కలిసి.. మనకు మనుషుల కంటే తెలివైన AI వస్తుందని ముందే ఊహించారు. మనం దీన్ని సాధించలేకపోతే, మరొకరు సాధిస్తారు. కాబట్టి దీన్ని సాధించే మొదటి వ్యక్తులు మనమే కావాలనుకున్నారు.

కఠినమైన ఈ ప్రాజెక్టు ప్రారంభంలో చాలా ఇబ్బందులు ఎదుర్కొన్నప్పటికీ.. ప్రతిష్టాత్మకమైన AI ప్రాజెక్ట్‌ కావడంతో సింఘువా యూనివర్సిటీ ప్రొఫెసర్ల మద్దతు లభించింది. ఇలా వీరు ఓపెన్‌చాట్‌తో మొదటి విజయం సాధించారు. ఇది ఎలాన్ మస్క్ దృష్టిని ఆకర్షించింది. వారికి మిలియన్ డాలర్ల ఆఫర్‌ ఇచ్చారు. కానీ చెన్ & వాంగ్ దానిని తిరస్కరించారు. ఆ తరువాత సేపియంట్ ఇంటెలిజెన్స్ & కొత్త హైరార్కికల్ రీజనింగ్ మోడల్ (HRM) సృష్టించారు.

ఇదీ చదవండి: 'ప్రపంచం పేదరికంలో ఉన్నా.. మీరు ధనవంతులు కావచ్చు': కియోసాకి